काठमाडौं । आईसीसी विश्वकप लिग–२ अन्तर्गत संयुक्त अरब इमिरेट्स (यूएई) मा जारी त्रिदेशीय सिरिजको अन्तिम खेलमा नेपालले यूएईमाथि रोमाञ्चक जित हात पारेको छ ।
सोमबार सम्पन्न त्रिदेशीय एकदिवसीय श्रृंखलामा यूएईलाई ४२ रनले पराजित गर्दै नेपाल पाँचौं स्थानमा उक्लिएको हो।
लिग- २ मा ३६ खेलमध्ये ३२ खेल खेलिसकेको नेपालले बिहीबारदेखि घरेलु मैदानमा लिगको अन्तिम तथा निर्णायक श्रृंखला खेल्नेछ ।
घरेलु मैदानमा आयोजना हुने श्रृंखलामा नेपालले क्लिनस्विप गर्नसके ३६ खेलबाट ४० अंक बनाउनेछ । नेपालले चार खेल खेल्न बाँकी छ।
बाँकी सबै खेल जिते नेपालको ४० अंक हुनेछ र नेपाल उत्कृष्ट तीनभित्र रही विश्वकप छनोट प्रतियोगितामा पुग्नेछ। बाँकी चारमध्ये दुई खेल जितेको अवस्थामा नेपाल चौथो स्थानमा उक्लिनेछ र एकदिवसीय मान्यता कायम राख्न सफल हुनेछ।
एक्ट प्रो नेपालमा प्रकाशित सामग्रीबारे कुनै गुनासो, सूचना तथा सुझाव भए हामीलाई info.actpronepal@gmail.com मा पठाउनु होला। फेसबुक र ट्वीटरमार्फत पनि हामीसँग जोडिन सकिनेछ । हाम्रो *युटुब च्यानल पनि हेर्नु होला।
