काठमाडौं । हिमालयन बैंक र सिभिल बैंक तीन दिन बन्द हुने भएका छन् । फागुन १२ गतेदेखि एकीकृत कारोबार गर्न लागेको दुवै बैंकले डाटा माइग्रेशन प्रयोजनका लागि तीन दिन सम्पूर्ण सेवा बन्द गर्ने भएका हुन् ।
सिभिल बैंकका सम्पूर्ण सेवा फागुन ८ देखि ११ गतेसम्म ४ दिन बन्द हुने भएको हो । त्यस्तै, हिमालयनको ८ गते दिवा सेवा संचालन गरे पनि सन्ध्याकालिन सेवादेखि ११ गतेसम्म सबै सेवा बन्द हुने भएको हो ।
दुई बैंक मर्जरपछि हिमालयन बैंकको नामबाट एकीकृत कारोबार सुरु हुनेछ । हिमालयनले सिभिललाई १००:८०.२८ सेयर अनुपातमा गाभ्न लागेको हो ।
दुवै बैंकलाई एकीकृत कारोबार गर्न नेपाल राष्ट्र बैंक र कम्पनी रजिष्ट्रार कार्यालयले स्वीकृति दिइसकेका छन् ।
सिभिल बैंकलाई प्राप्ति सम्झाैतापछि हिमालयन बैंक लिमिटेडको नामबाट एकीकृत कारोबार सुरु गर्न लागिएको हो।
प्राप्तिपछि बैंकको रजिस्टर्ड कार्यालय हाल हिमालयन बैंकको रजिस्टर्ड कार्यालय रहेको स्थान काठमाडाैं कमलादीमा रहने जनाइएकाे छ ।
एक्ट प्रो नेपालमा प्रकाशित सामग्रीबारे कुनै गुनासो, सूचना तथा सुझाव भए हामीलाई info.actpronepal@gmail.com मा पठाउनु होला। फेसबुक र ट्वीटरमार्फत पनि हामीसँग जोडिन सकिनेछ । हाम्रो *युटुब च्यानल पनि हेर्नु होला।
