काठमाडौं । काठमाडौंको सुकेधारामा सोमबार गरिएको प्रदूषण चेकिङका क्रममा मापदण्डभन्दा बढी धूँवा फाल्ने २० वटा सवारी साधन कारबाहीमा परेका छन्।
मापदण्डभन्दा बढी धूँवा फाल्ने ६ वटा पिकअप भ्यान, पाँचवटा भाडाका बस, चार माइक्रोबस , तीन हात्ती गाडी, एक टाटासुमो र एउटा पर्यटक गाडी गरी २० वटा सवारीका चालकलाई कारबाही गरिएको प्रवक्ता एवं प्रहरी वरिष्ठ उपरीक्षक राजेन्द्र प्रसाद भट्टले जानकारी दिए।
वातावरण विभाग र काठमाडौं उपत्यका ट्राफिक प्रहरी कार्यालयबाट संयुक्त रूपमा खटिएको टोलीले आज सुकेधारामा ४६ वटा सवारी साधनलाई चेकजाँच गरेको थियो।
एक्ट प्रो नेपालमा प्रकाशित सामग्रीबारे कुनै गुनासो, सूचना तथा सुझाव भए हामीलाई info.actpronepal@gmail.com मा पठाउनु होला। फेसबुक र ट्वीटरमार्फत पनि हामीसँग जोडिन सकिनेछ । हाम्रो *युटुब च्यानल पनि हेर्नु होला।
