काठमाडौं । शेयर बजारमा उच्च अंकले बढेको छ ।
साताको कारोबारको चौंथोदिन शेयर बजार मापक सूचक (नेप्से)६४.८७ अंकले घटेर २१२५.९४ विन्दुमा पुगेको हो ।
नेपाल स्टक एक्सचेन्जका अनुसार बुधवार २५८ कम्पनीको ३ अर्ब ५० करोड ११ लाख ४२ हजार ९७ रुपैयाँ बराबरको ८७ लाख ३३ हजार ५४२ कित्ता शेयर किनबेच भएका छन् ।
अघिल्लो दिनको तुलनामा कारोबार रकम बढेको छ । मंगलवार ३ अर्ब ४५ करोड ८० लाख ८९ हजार ७८७ रुपैयाँ बराबरको कारोबार भएको थियो ।
आज कारोबारमा आएका १३ वटै उपसमूहको परिसूचकमा हरियाली छाएको छ । व्यापार उपसमूह सबैभन्दा धेरै ९.७४ प्रतिशतले बढेको छ ।
उच्च अंकले बढेको बजारमा आज झन्डै डेढ दर्जन कम्पनीको शेयर मूल्यमा उछाल आएको छ । हिमालयन डिस्ट्रीलरी, साल्ट ट्रेडिङ, कालिका लघुवित्त, मिर्मिरे लघुवित्त, किसान लघुवित्त, नाडेप लघुवित्त, पिपुल्स पावर र खप्तड लघुवित्तको शेयर मूल्य ठ्याक्कै १० प्रतिशतले बढेको छ ।
त्यसैगरी, कालिका पावर, आरएसडीसी लघुवित्त, बाराही हाइड्रोपावर, बिन्ध्यबासिनी हाइड्रोपावर, हिमालयन हाइड्रोपावर, आशा लघुवित्त, सबैको लघुवित्त, निर्धन उत्थान, सेन्टर फाइनान्स र समता लघुवित्तका शेयर धनीले पनि करिब १० प्रतिशत कमाएका छन्।
आज हिमालयन डिस्ट्रीलरीको सर्वाधिक कारोबार भएको छ । यसको साढे ११ करोड रुपैयाँ बढीको सेयर किनबेच भएको छ । त्यस्तै, सानिमा माइ हाइड्रोपावर र एनआइसी एशिया बैंक १० १० करोड बढीको कारोबार भएको छ ।
एक्ट प्रो नेपालमा प्रकाशित सामग्रीबारे कुनै गुनासो, सूचना तथा सुझाव भए हामीलाई info.actpronepal@gmail.com मा पठाउनु होला। फेसबुक र ट्वीटरमार्फत पनि हामीसँग जोडिन सकिनेछ । हाम्रो *युटुब च्यानल पनि हेर्नु होला।
