काठमाडौं । प्रधानमन्त्रीसमेत रहेका नेपाली कांग्रेसका सभापति शेरबहादुर देउवा र नेकपा (माओवादी केन्द्र) का अध्यक्ष पुष्पकमल दाहाल ‘प्रचण्ड’बीच‘गोप्य’ वार्ता सुरू भएको छ।
उनीहरूको वार्तापछि सत्ता गठबन्धनको बैठक बस्दैछ । बैठकअघि उनीहरूबीच ‘गोप्य’ वार्ता भइरहेको माओवादी केन्द्रका एक पदाधिकारी बताउँछन् । नयाँ सरकारको नेतृत्वका लागि यी दुवै नेताले पहल गरिरहेका छन्।
उनले आजको वार्ता वार कि पार हुने बताउँछन् । ‘आजको वार कि पार हुन्छ,’ उनले भने, ‘तर प्रयास मिलेरै जाने भन्नेछ।’
गठबन्धनका शीर्ष नेताको बैठकमा सरकार गठनसहित, राष्ट्रपति, सभामुखलगायत पदमा भागबन्डाका विषयमा समेत छलफल हुनेछ।
राष्ट्रपति विद्यादेवी भण्डारीले दलहरूलाई सरकार गठनका लागि दाबी पेस गर्न आज बेलुकासम्मको समय दिएकी छन्।
एक्ट प्रो नेपालमा प्रकाशित सामग्रीबारे कुनै गुनासो, सूचना तथा सुझाव भए हामीलाई info.actpronepal@gmail.com मा पठाउनु होला। फेसबुक र ट्वीटरमार्फत पनि हामीसँग जोडिन सकिनेछ । हाम्रो *युटुब च्यानल पनि हेर्नु होला।
