काठमाडौं । नेपाल टेलिकमले गत आर्थिक वर्ष २०७८/७९ को मुनाफाबाट बम्पर लाभांश घोषणा गरेको छ ।
टेलिकम सञ्चालक समितिको बुधबार बसेको बैठकले गत वर्षको मुनाफाबाट सेयरधनीलाई ४० प्रतिशत अर्थात् प्रतिकित्ता ४० रुपैयाँ नगद लाभांश घोषणा गरेको हो ।
प्रस्तावित लाभांश पारित गर्न कम्पनीले पुस २८ गते १५ औं वार्षिक साधारण सभा डाकेको छ । कम्पनीको सभा राष्ट्रिय सभा गृह, प्रदर्शनीमार्ग, काठमाडौंमा बिहान १० बजे सुरु हुनेछ।
साधारण सभा तथा लाभांश प्रयोजनका लागि कम्पनीले पुस १८ गतेदेखि २७ गतेसम्म बुकक्लोज तोकेको छ । सो अनुसार पुस १७ गतेसम्म कायम रहने सेयरधनीले मात्र प्रस्तावित लाभांश पाउने छन् ।
प्रस्तावित लाभांश अर्थमन्त्रालयको स्वीकृति र कम्पनीको आगामी साधरण सभाले पारित गरेपछि मात्रै सेयरधनीले पाउने छन् ।
एक्ट प्रो नेपालमा प्रकाशित सामग्रीबारे कुनै गुनासो, सूचना तथा सुझाव भए हामीलाई info.actpronepal@gmail.com मा पठाउनु होला। फेसबुक र ट्वीटरमार्फत पनि हामीसँग जोडिन सकिनेछ । हाम्रो *युटुब च्यानल पनि हेर्नु होला।
