काठमाडौं । डिजिटल बैंकिङ प्रयोगकर्ताको उल्लेख्य वृद्धि भएको छ । नेपाल राष्ट्र बैंकले सार्वजनिक तथ्यांक अनुसार सबै किसिमका विद्युतीय भुक्तानीको कारोबार गर्ने प्रयोगकर्ताको संख्या उल्लेख्य रुपमा वृद्धि भएको हो ।
पछिल्लो समय फिजिकल भन्दा डिजिटल बैंकिङ कारोबार बढेको छ ।
राष्ट्र बैंकले सार्वजनिक गरेको प्रतिवेदनका चालू आर्थिक वर्षको कात्तिक मसान्तसम्ममा वालेट प्रयोग गर्नेहरुको संख्या १ करोड ५१ लाख ३३ हजार ७३५ पुगेको छ ।
असोजमा यो संख्या १ करोड ४८ लाख ३९ हजार ८२० थियो । एक महिनामै २ लाख ९३ हजार ९१५ प्रयोगकर्ता थपिएका छन् । कनेक्ट आइपीएस प्रयोग गर्नेहरुको संख्या ९ लाख ५८ हजार २५० पुगेको छ ।
त्यस्तै मोबाइल बैंकिङ प्रयोग गर्नेहरुको संख्या एक करोड ९४ लाख ३ हजार ६८० र इण्टरनेट बैंकिङ प्रयोग गर्नेको संख्या १७ लाख ५० हजार ९३६ रहेको छ ।
डेविट कार्डबाट प्रयोगकर्ताको संख्या १ करोड १७ लाख हजार ३८ हजार ९७३ पुगेको छ । क्रेडिट कार्ड प्रयोगकर्ताको संख्या २ लाख ६९ हजार ४७६ पुगेको छ ।
पछिल्लो समय एटीएम, डेविट कार्ड, क्रेडिट कार्ड, आरटिजिएस, इसीसी, आइपिएस र कनेक्ट आइपीएसबाट हुने कारोबारको रकम तथा संख्या समेत ह्वात्तै बढेको देखिन्छ ।
एक्ट प्रो नेपालमा प्रकाशित सामग्रीबारे कुनै गुनासो, सूचना तथा सुझाव भए हामीलाई info.actpronepal@gmail.com मा पठाउनु होला। फेसबुक र ट्वीटरमार्फत पनि हामीसँग जोडिन सकिनेछ । हाम्रो *युटुब च्यानल पनि हेर्नु होला।
