काठमाडौं । वाणिज्य बैंकहरुमा एक सातामा ११ अर्ब ५४ करोड रुपैयाँ निक्षेप थपिएको छ ।
नेपाल बैंकर्स संघका अनुसार वाणिज्य बैंकहरुमा एक साताको अवधिमा (मंसिर ९ गतेदेखि १६ गतेसम्म) ११ अर्ब ५४ करोड रुपैयाँ निक्षेप बढेको छ ।
गत मंसीर ९ गतेसम्म वाणिज्य बैङ्कहरूमा ४५ खर्ब ६१ अर्ब ५७ करोड रुपैयाँ निक्षेप जम्मा भएको थियो । त्यस्तै, कात्तिक मसान्तमा ४५ खर्ब ६३ अर्ब ३४ करोड रुपैयाँ रहेकोमा सो को तुलनामा मंसीर १६ गतेसम्म ९ अर्ब ७७ करोड रुपैयाँ बढेको हो ।
निक्षेप बढे पनि बैङ्कहरूले सो तुलनामा कर्जा लगानी भने बढाएका छैनन् । मंसीर १६ गतेसम्म बाणिज्य बैङ्कहरूले ४२ खर्ब २२ अर्ब ५८ करोड रुपैयाँ कर्जा लगानी गरेका छन् ।
मंसीर ९ गतेसम्म बैङ्कहरूले ४२ खर्ब २१ अर्ब ५७ करोड रुपैयाँ कर्जा प्रवाह गरेकोमा एक अर्ब एक करोड रुपैयाँ कर्जा प्रवाह गरेका थिए ।
मंसीर १६ गतेसम्म कर्जा–निक्षेप अनुपात (सिडी रेसियो) ८६.८६ प्रतिशतबाट ८६।७६ प्रतिशत कायम रहेको छ ।
एक्ट प्रो नेपालमा प्रकाशित सामग्रीबारे कुनै गुनासो, सूचना तथा सुझाव भए हामीलाई info.actpronepal@gmail.com मा पठाउनु होला। फेसबुक र ट्वीटरमार्फत पनि हामीसँग जोडिन सकिनेछ । हाम्रो *युटुब च्यानल पनि हेर्नु होला।
