काठमाडौं । नेपाल क्यिलरिङ हाउस (एनसीएचएल) ले दैनिक २ लाख रुपैयाँसम्म मोबाइल बैंकिङ्गबाट कनेक्ट आइपीएस् मार्फत फण्ड ट्रान्स्फर गर्दा कुनै पनि शुल्क नलिने भएको छ ।
तिहार तथा छठको अवसरमा मोबाइलमा आधारित फण्ड ट्रान्स्फरलाई थप प्रवद्र्घन गर्नका निम्ति सो अफर ल्याएको हो ।
यो अफर कार्तिक ७ गते देखि १३ गतेसम्म लागु हुनेछ ।
चाड पर्वको बेलामा नगदको सट्टा मोबाइलमा आधारित फण्ड ट्रान्सफर गर्न थप प्रोत्साहन गर्नका निम्ती बैंक वित्तीय संस्थासँगको समन्वयमा एनसीएचएलले यो अफर लागू गरेको जनाएको छ ।
फण्ड ट्रान्सफर गर्नका निम्ती आफ्नो मोबाइल बैंकिङ्ग एपमा लग–इन गरी, फण्ड ट्रान्सफर वा सेन्ड मनीमा क्लिक गरी फण्ड ट्रान्सफर गर्न कनेक्ट आइपिएसलाई छनोट गर्नुपर्नेछ ।
हाल मोबाइल बैकिङ्गमा रहेको कनेक्ट आइपिएसमार्फत प्रति दिन प्रति कारोबार २ लाखसम्मको फण्ड ट्रान्सफर गर्न सकिन्छ ।
एक्ट प्रो नेपालमा प्रकाशित सामग्रीबारे कुनै गुनासो, सूचना तथा सुझाव भए हामीलाई info.actpronepal@gmail.com मा पठाउनु होला। फेसबुक र ट्वीटरमार्फत पनि हामीसँग जोडिन सकिनेछ । हाम्रो *युटुब च्यानल पनि हेर्नु होला।
