काठमाडौं । नेपाली कांग्रेसका सभापति तथा प्रधानमन्त्री शेरबहादुर देउवाले अहिलेको गठबन्धन संविधान रक्षाका लागि भएको बताएका छन् ।
शुक्रबार पोखरामा आयोजित कार्यकर्ता प्रशिक्षण कार्यक्रमा प्रधानमन्त्री देउवाले गठबन्धन संविधान रक्षाका लागि आजको आवश्कता रहेको दाबी गरेका हुन् ।
देउवाले अझै केही वर्ष गठबन्धन आवश्यक रहेको र यसलाई बचाउनु पर्ने उल्लेख गरे । गठबन्धनले जितेर सरकार बनेपछि धेरै कुरा मिल्न सक्ने बताउँदै उनले एक–आपसमा शंका र बेइमानी गर्दा ठूलो नोक्सानी व्यहोर्नुपर्ने भन्दै सचेत गराए ।
‘गठबन्धनका साथीहरूलाई शंका पैदा गर्ने, मतभिन्नता ल्याउने कुनै पनि काम नगरौं,’ दउवाले भने ।
हिजोको राजनीतिक परिस्थितलाइ लिएर गठबन्धनमा शंका हुने कुरा नगर्न पनि उनले आग्रह गरे। ‘राजनीतिक पार्टी अलगअलग पृष्ठभूमिबाट आएका हुन्छन् । हिजोका लडाइँका कारण होलान्, ती बितेका कुरा भए । राजनीतिमा कुनै पनि ठाउँमा समझदारी गर्नुपर्ने, बिसाउनुपर्ने हुन सक्छ । अहिलेको प्राप्ति सबैको जित हो।’
टिकट नपाएर असन्तुष्ट रहेका नेता कार्यकर्तालाई धैर्य गर्न पनि देउवाले अनुरोध गरे । आफूले टिकट नपाएपनि गठबन्धनका उम्मेदवारलाई जिताए आगामी सरकार गठबन्धनकै हुने र विभिन्न ठाउँमा जिम्मेवारी दिन सकिने प्रधानमन्त्रीको धारणा थियो ।
‘ हाम्राबीचमा सबै पार्टीका साथीहरूले कसैले टिकट पाउनुभएन होला, कतिले पाउनुभयो होला । सबै पार्टीमा त्यस्तै छ’, देउवाले भनेका छन्, सबैको पालो आउँछ । गठबन्धनको सरकार बन्यो भने सयौं ठाउँ हुन्छन्,’ उनले भने ।
एक्ट प्रो नेपालमा प्रकाशित सामग्रीबारे कुनै गुनासो, सूचना तथा सुझाव भए हामीलाई info.actpronepal@gmail.com मा पठाउनु होला। फेसबुक र ट्वीटरमार्फत पनि हामीसँग जोडिन सकिनेछ । हाम्रो *युटुब च्यानल पनि हेर्नु होला।
