काठमाडौं । शेयर बजारको आरोलो यात्र कायमै रहेको छ ।
कारोबार शुरु भएदेखि नै उतारचढाव लागेको शेयर बजार मापक सूचक (नेप्से) १९.०६ अंकले घटेर २०३७.८३ विन्दुमा झरेको हो ।
नेपाल स्टक एक्सचेन्जका अनुसार विहीवार २२३ कम्पनीको १ अर्ब ७६ करोड १० लाख २३ हजार ३८ रुपैयाँ बराबरको ६२ लाख ९८ हजार ६३८ कित्ता शेयर किनबेच भएका छन् ।
अघिल्लो दिनको तुलनामा कारोवार रकम पनि घटेको छ । बुधवार १ अर्ब ९३ करोड ५५ लाख २० हजार १४६ रुपैयाँ बराबरको कारोबार भएको थियो ।
आज कारोबारमा आएका १३ वटा उपसमूहमध्ये म्युचुअल फण्ड बाहेक बाँकी सबैको परिसूचक राताम्मे भएको छ । फाइनान्स समूह सबैभन्दा धेरै २.३८ प्रतिशतले घटेको छ ।
घट्दो बजारमा हिमालयन हाइड्रोपावर र अपर हेवाखोला हाइड्रोपावर कम्पनीको शेयरमूल्यमा पोजेटिभ सर्किट लागेको छ ।
हिमालयन हाइड्रोपावर कम्पनीको शेयरमूल्य ९.९९ प्रतिशत र अपर हेवाखोला हाइड्रोपावर कम्पनीको शेयरमूल्य ९.९८ प्रतिशतले बढेको छ ।
नेप्सेका अनुसार आज युनिलिभर नेपाल लिमिटेडको शेयरमूल्यमा सबैभन्दा बढी गिरावट भएको छ ।
यस कम्पनीको शेयरमूल्य ८ प्रतिशत भन्दा बढीले घटेको हो । बुद्धभूमिको ७.५७ र हिमालयन एभरेष्ट इन्सोरेन्सको ५.९४ प्रतिशत घटेको छ ।
त्यस्तै, कारोबारको आधारमा आज सबैभन्दा बढी शिवम् सिमेन्ट कम्पनीको भएको छ । यसको आज ७ करोड २७ लाख भन्दा बढीको कारोबार भएको छ ।
हिमालय डिस्टिलरीको ६ करोड १२ लाख र नेष्डो लघुवित्त ५ करोड बढीको कारोबार भएको छ ।
एक्ट प्रो नेपालमा प्रकाशित सामग्रीबारे कुनै गुनासो, सूचना तथा सुझाव भए हामीलाई info.actpronepal@gmail.com मा पठाउनु होला। फेसबुक र ट्वीटरमार्फत पनि हामीसँग जोडिन सकिनेछ । हाम्रो *युटुब च्यानल पनि हेर्नु होला।
