न्यूयोर्क । नेपालको अर्थतन्त्र धरासायी बन्दै गएको भन्दै राजनीतिज्ञ तथा अर्थशास्त्रीबीच बहस भइरहेको समयमा अमेरिकाले मूल्यवृद्धिको नयाँ रेकर्ड कायम गरेको छ । यो मुलुकले अहिले ४० वर्षयताकै धेरै मूल्यवृद्धिको सामना गरिरहेको समाचार एजेन्सीहरुले बताएका छन् ।
बढ्दो मूल्यवृद्धिका बीच अमेरिकी केन्द्रि बैंक फेडरल रिजर्वले पुनः ब्याजदर बढाउने निर्णय गरेको हो । बैंकले ०.७५ प्रतिशतले ब्याजदर बढाएको समाचारमा उल्लेख छ । अब आन्तरिक ऋण लिने क्रममा २.२५ प्रतिशतको ब्याजदर वृद्धि गरी २.५० प्रतिशत पुर्याएको हो ।
बैंकले आगामी दिनमा अझ बढी हुने मूल्य वृद्धि नियन्त्रण गर्न समेत अहिले ब्याजदर बढाउनु परेको तर्क गरेको छ ।
रुस र युक्रेन युद्धका कारण संसारभरका साना तथा ठूला सबै मुलुकले यतिबेला मूल्यवृद्धिको सामाना गरिरहेका छन् । जसले अर्थतन्त्र संकुचन हुने अवस्था आएको हो । कोरोना महामारीका बेला समेत परिस्थितिलाई सहजै पार लगाएका ठूला मुलुकले यो संकट कसरी पार गर्छन, त्यो भने हेर्न बाँकी छ ।
एक्ट प्रो नेपालमा प्रकाशित सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला। फेसबुक र ट्वीटरमार्फत पनि हामीसँग जोडिन सकिनेछ । हाम्रो *युटुब च्यानल पनि हेर्नु होला।
