काठमाडौं । हामीले प्राय विहान उठने वित्तिकै हात मुख धोएपछि चिया खाने गर्छौं । चिसो मौसममा अदुवा हालेर चिया खानु स्वास्थ्यका लागि फाइदाजनक हुन्छ ।
अधिकांश मानिसमा चिया पिउने लत छ । भेटघाट होस् वा सानातिना छलफल सबैतिर प्रायः चिया पिउने प्रचलन छ । तर धेरै चिया पिउनु पनि स्वास्थ्यका लागि हानिकारक मानिन्छ । यद्यपी अदुवा हालेको चिया पिउँदा भने त्यसले स्वादमा मात्र परिवर्तन ल्याउँदैन ।
सादा चियाको सट्टा अदुवा र ल्वाङ राखेर चिया पिउने हो भने शरीरलाई फाइदा गर्छ । यसले शरीरलाई न्यानो पार्नुका साथै धेरै रोगबाट बचाउन मद्धत गर्दछ । अदुवाको चियाले पेटको समस्या हटाउनुका साथै तनाव पनि कम गराउँछ । अदुवामा पाइने भिटामिन, खनिज र एमिनो एसिडले रक्तसञ्चार सहज बनाउँछ । यो हृदयाघात र मुटुरोगीका लागि समेत गुणकारी छ ।
चिकित्सकका अनुसार जाडोमा अदुवा र ल्वाङ हालेको चिया खानुका छुट्टै महत्व हुन्छ । अदुवामा भिटामिन सी को मात्रा धेरै हुन्छ । साथै म्याग्नेसियम र अन्य खनिज पदार्थ धेरै मात्रामा पाइन्छ । अदुवाको जरा स्वास्थ्यको लागि राम्रो मानिन्छ । यस्ता छन् जाडोमा अदुवाको चिया खानुका फाइदा
अदुवाको चिया खाँदाका फाइदा :-
१. पाचन प्रक्रियामा सुधार ल्याउँछ। शरीरमा अत्यावश्यक ग्यास्ट्रिक रसको उत्पादन बढाउँछ।
२. यात्रामा जानुभन्दा अघि अदुवाको चिया खाँदा बान्ता हुनबाट बचाउँछ।
३. शरीरको अनावश्यक तौल कम गर्न सहयोग पुर्याउँछ ।
४. रक्तसञ्चारमा सहयोग पुर्याउँछ। रगतमा हुने ग्लुकोजको स्तर व्यवस्थापन गर्छ।
५. महिनावारी गडबडी हुने महिलामा नियमित बनाउन सहयोग गर्छ ।
६. अल्जाइमरजस्ता घातक रोग लाग्नबाट बचाउँछ ।
७. हड्डी र बाथरोगका बिरामीका लागि फाइदा पुर्याउँछ।
८. क्यान्सरसँग लड्ने क्षमता बढाउँछ ।
९. दैनिक अदुवा चिया पिउँदा तनाव कम हुन्छ । यसले शरीरलाई ऊर्जा दिन्छ ।
१०. श्वासप्रश्वासको समस्याका लागि पनि अदुवाको चिया उपयोगी मानिन्छ।
११. यसले एन्टिअक्सिडेन्टको मात्रा बढाउँछ र शरीरमा रोगप्रतिरोधात्मक क्षमता वृद्धि हुन्छ।
१२. रगतमा ग्लुकोजको मात्रा सन्तुलित गर्छ । साथै, शरीरको अनावश्यक तौल कम गर्न मद्दत गर्छ।
एक्ट प्रो नेपालमा प्रकाशित सामग्रीबारे कुनै गुनासो, सूचना तथा सुझाव भए हामीलाई info.actpronepal@gmail.com मा पठाउनु होला। फेसबुक र ट्वीटरमार्फत पनि हामीसँग जोडिन सकिनेछ । हाम्रो *युटुब च्यानल पनि हेर्नु होला।
