काठमाडौँ । राष्ट्रिय प्रजातन्त्र पार्टी (राप्रपा) का अध्यक्ष राजेन्द्र लिङ्देनले केन्द्रीय कार्यसमितिको बैठक बोलाएका छन्।
आज दिउसो १ बजे धुम्बाराहीमा केन्द्रीय कार्यसमितिको बैठक बस्न लागेको हो। केन्द्रीय कार्यसमितिको बैठक आज र भोलि चल्ने राप्रपा प्रवक्ता मोहन श्रेष्ठले बताए।
राप्रपा केन्द्रीय कार्यसमिति बैठकमा समसामयिक राजनीतिक परिस्थितिको समीक्षा, संगठन सुदृढीकरण, दोस्रो चरणको संघर्षका कार्यक्रमबारे छलफल हुने भएको छ।
त्यस्तै, आगामी प्रदेश सभा र प्रतिनिधि सभाको निर्वाचनको तयारी लगायत विषयमा पनि छलफल गरी रणनीति तय गरिने प्रवक्ता श्रेष्ठले बताए।
एक्ट प्रो नेपालमा प्रकाशित सामग्रीबारे कुनै गुनासो, सूचना तथा सुझाव भए हामीलाई info.actpronepal@gmail.com मा पठाउनु होला। फेसबुक र ट्वीटरमार्फत पनि हामीसँग जोडिन सकिनेछ । हाम्रो *युटुब च्यानल पनि हेर्नु होला।
