काठमाडौं । नेकपा एकीकृत समाजवादी पार्टीले पार्टीको तर्फबाट सरकारमा सहभागी मन्त्रीलाई फिर्ता बोलाउने निर्णय गरेको छ।
सो पार्टीको सचिवालय बैठकले हाल पार्टीको तर्फबाट सरकारमा सहभागी मन्त्रीहरुलाई २४ घण्टाभित्र फिर्ता बोलाउने निर्णय गरेको हो ।
एकीकृत समाजवादीका तर्फबाट अहिले विरोध खतिवडा, प्रेम आले, राकुमारी झाँक्री, किसान श्रेष्ठ मन्त्री छन् भने भवानी खापुङ राज्यमन्त्री छन् ।
प्रधानमन्त्री शेरबहादुर देउवा नेतृत्वको सरकारमा जाँदा नेता व्यवस्थापनका लागि आलोपालो गर्ने सहमति भएको थियो । सोही सहमतिका आधारमा सबै मन्त्री फिर्ता बोलाइएका जनाइएको छ ।
पार्टी स्रोतका अनुसार मन्त्रीहरू फिर्ता हुने बित्तिकै नयाँ मन्त्री चयन गरिने छ । पहिलो चरणमा मन्त्री बन्न नपाएका मेटमणि चौधरी, जीवनराम श्रेष्ठलगायत मन्त्रीको दौडमा अगाडि छन् ।
एक्ट प्रो नेपालमा प्रकाशित सामग्रीबारे कुनै गुनासो, सूचना तथा सुझाव भए हामीलाई info.actpronepal@gmail.com मा पठाउनु होला। फेसबुक र ट्वीटरमार्फत पनि हामीसँग जोडिन सकिनेछ । हाम्रो *युटुब च्यानल पनि हेर्नु होला।
