काठमाडौं । शेयर बजारमा दोहोरो अंकको गिरावट आएको छ ।
साताको कारोबारको अन्तिम शेयर बजार मापक सूचक (नेप्से) १९.९७ अंकले घटेर २३५६.२० विन्दुमा झरेको हो ।
नेपाल स्टक एक्सचेन्जका अनुसार विहीवार २२६ कम्पनीको १ अर्ब ४९ करोड ६२ लाख ४६ हजार ८०८ रुपैयाँ बराबरको ४५ लाख ७४ हजार ५२० कित्ता शेयर किनबेच भएका छन् ।
अघिल्लो दिनको तुलनामा कारोबार रकममा बढेको छ । बुधवार १ अर्ब ८ करोड ९९ लाख ९२ हजार ३६ रुपैयाँ बराबरको कारोबार भएको थियो ।
आज कारोबारमा आएका १३ समूहको परिसूचक घटेको छ ।
आज कारोबार भएकामध्ये एक कम्पनीको शेयरमूल्यमा भने उच्च वृद्धि भएको छ । विहिवार जाल्पा सामुदायिक लघुवित्त वित्तीय संस्थाको शेयरमूल्यमा सकारात्मक सर्किट लागेको छ ।
आज आइएमई जनरल इन्स्योरेन्सको सर्वाधिक कारोबार भएको छ । यसको सवा ५ करोड रुपैयाँ बढीकोे सेयर किनबेच भएको छ । त्यसैगरी, हिमालयन डिस्ट्रीलरी ५ करोड र एनसीसी बैंक पौने ५ करोडको कारोबार हुँदै शीर्ष तीनमा रहे ।
घट्दो बजारमा आज गुह्वेश्वरी मर्चेन्टका सेयरधनीले सबैभन्द्या धेरै ३.९८ प्रतिशत गुमाएका छन् ।
त्यसैगरी, गणपति लघुवित्त ३.८३, महुली लघुवित्त ३.७३, पाँचथर पावर ३.७१, किसान लघुवित्त ३.६७, सिभिल लघुवित्त, मिथिला लघुवित्त र सेन्टर फाइनान्स ३.६४, एशियन लाइफ, प्रोग्रेसिभ फाइनान्स र जानकी फाइनान्सको शेयरमूल्य प्रतिशतले घटेको छ ।
एक्ट प्रो नेपालमा प्रकाशित सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला। फेसबुक र ट्वीटरमार्फत पनि हामीसँग जोडिन सकिनेछ । हाम्रो *युटुब च्यानल पनि हेर्नु होला।
