काठमाडौं । शेयर बजारमा झिनो अंकको सुधार आएको छ । साताको कारोबारको चौंथो दिन शेयर बजार मापक सूचक नेप्से ५.१७ अंकले बढेर २३७६.१७ विन्दुमा पुगेको हो ।
नेपाल स्टक एक्सचेन्जका अनुसार बुधवार २२८ कम्पनीको १ अर्ब ८ करोड ९९ लाख ९२ हजार ३६ रुपैयाँ बराबरको २८ लाख ८५ हजार ३९ कित्ता शेयर किनबेच भएका छन् ।
आज कारोबारमा आएका १३ समूहमध्ये ४ परिसूचक राताम्मे भएको छ । भने ९ वटाको बढेको छ ।
अघिल्लो दिनको तुलनामा कारोबार रकम बढेको छ । मंगलवार १ अर्ब ४ करोड ६० लाख १४ हजार ४१७ रुपैयाँ बराबरको बराबरको कारोबार भएको थियो ।
सामान्य अंकले बढेको बजारमा जाल्पा लघुवित्तको शेयर मूल्यमा भने पोजेटिभ सर्किट लागेको छ । यसका सेयरधनीले ठ्याक्कै १० प्रतिशत कमाएका छन् ।
यसैगरी, नेपाल फाइनान्स ६.८२, राधि विद्युत् ५.५४, ङादी ग्रुप ४.६५, महुली लघुवित्त, लक्ष्मी लघुवित्त, लुम्बिनी विकास बैंक, रुरु जलविद्युत् र मनकामना स्मार्ट लघुवित्तको शेयर मूल्य साढे ३ प्रतिशतले बढेको छ ।
आज अरुण भ्याली हाइड्रोपावरको सर्वाधिक कारोबार भएको छ । यसको ५ करोड रुपैयाँ बढीकोे सेयर किनबेच भएको छ । त्यसैगरी, हिमालयन डिस्ट्रीलरी पौने ४ करोड र नेपाल फाइनान्स ३ करोड बढीको कारोबार हुँदै शीर्ष तीनमा रहे ।
एक्ट प्रो नेपालमा प्रकाशित सामग्रीबारे कुनै गुनासो, सूचना तथा सुझाव भए हामीलाई info.actpronepal@gmail.com मा पठाउनु होला। फेसबुक र ट्वीटरमार्फत पनि हामीसँग जोडिन सकिनेछ । हाम्रो *युटुब च्यानल पनि हेर्नु होला।
