काठमाडौं । नेपाली सेनाले प्राविधिक उप सेनानी पदका लागि अधिकृत तहमा समाचार सम्पादक र वाचक माग गरेको छ ।
सेनाले खुलातर्फ दुई जना र आदिवासी, जनजातिमा एक जना गरी तीन जना प्राविधिक उप सेनानी पदका लागि अधिकृत तहमा समाचार सम्पादक र समाचार वाचक मागेको हो ।
सेनाले उक्त पदका लागि न्यूनतम शैक्षिक योग्यता आम सञ्चार तथा पत्रकारीतामा स्नातक गरेको तोकेको छ । सेनाका अनुसार इच्छुक उम्मेदवारले आउँदो वैशाख १३ गतेसम्म दरखास्त दिन सक्नेछन् भने दोब्बर दस्तुरमा वैशाख २० गते कार्यालय समयभित्र दरखास्त दिन पाउँनेछन् ।
छनोट भएका उम्मेदवारले सेनाको मिडियामा कार्य गर्नुपर्ने छ । कार्यक्षेत्र जंगी अड्डा भद्रकालीमा हुने सेनाले जनाएको छ । थप जानकारीका लागि नेपाली सेनाको वेवसाइटमा गएर हेर्न सकिनेछ ।
एक्ट प्रो नेपालमा प्रकाशित सामग्रीबारे कुनै गुनासो, सूचना तथा सुझाव भए हामीलाई info.actpronepal@gmail.com मा पठाउनु होला। फेसबुक र ट्वीटरमार्फत पनि हामीसँग जोडिन सकिनेछ । हाम्रो *युटुब च्यानल पनि हेर्नु होला।
