काठमाडौं । अभिनेता पल शाहलाई थप ५ दिन हिरासतमा राखेर अनुसन्धान गर्न प्रहरीले अनुमति पाएको छ।
नाबालिग गायिकालाई करणी गरेको आरोपमा प्रहरी नियन्त्रणमा रहेका कलाकार शाहमाथि अनुसन्धानका लागि भन्दै जिल्ला अदालत तनहुँले शुक्रवार ५ दिनको समय थप गरेको हो ।
फागुन १५ गते पक्राउ परेका शाहलाई यसअघि सुरुमा सात दिन र दोस्रोपटक १२ दिन गरी १९ दिन म्याद थप भइसकेको छ।
पछिल्लोपटकको म्याद आज सकिएपछि तेस्रोपटक थपिएको हो।
तनहुँ अदालतले अभिनेता शाहसँगै उनका म्यानेजर कृष्णप्रसाद जोशीलाई पनि थप पाँच दिन हिरासतमा राखेर अनुसन्धान गर्न अनुमति दिएको छ।
नवलपुर जिल्ला अदालतमा भने शाहविरुद्ध बिहीबार अभियोगपत्र दर्ता भइसकेको छ। अभियोगपत्रमा शाहलाई १२ देखि १४ वर्ष जेल सयाजको मागदाबी गरिएको छ।
अब तनहुँमा अनुसन्धान सकिएलगत्तै थुनछेक बहसका लागि शाहलाई नवलपुर लगिनेछ।
एक्ट प्रो नेपालमा प्रकाशित सामग्रीबारे कुनै गुनासो, सूचना तथा सुझाव भए हामीलाई info.actpronepal@gmail.com मा पठाउनु होला। फेसबुक र ट्वीटरमार्फत पनि हामीसँग जोडिन सकिनेछ । हाम्रो *युटुब च्यानल पनि हेर्नु होला।
