काठमाडौं । जनता समाजवादी पार्टीका सघीय परिषद् अध्यक्ष डा. बाबुराम भट्टराईले एमसीसी परियाेजना थप गिजाेलिए परिणाम गम्भीर हुन सक्ने चेतावनी दिएका छन् ।
उनले नेपाली राजनीतिमा 'माछा देखे भित्र हात र सर्प देखे बाहिर हात' गर्ने प्रवृत्ति हाबी भएकाे बताउँदै अति भए खति हुने टिप्पणी गरेका हुन् ।
माओवादी केन्द्रका अध्यक्ष प्रचण्डतर्फ लक्षित हुँदै बाबुरामले दुईजिब्रे प्रवृत्तिबाट मुक्त नभएसम्म देश नबन्ने पनि बताएका छन् । उनले 'भित्रभित्र राष्ट्रघात बाहिर बाहिर राष्ट्रवाद' देखाउन तछाडमछाड भइरहेकाे पनि बताएका छन् ।
कसैकाे नाम उल्लेख नगरेर भट्टराईले सामाजिक सञ्चालमा लेखेका छन्, 'भित्रभित्र राष्ट्रघात बाहिरबाहिर राष्ट्रवाद ! माछा देखे भित्र हात, सर्प देखे बाहिर हात ! भित्र खाओवाद बाहिर माओवाद ! नेपाली राजनीति जबसम्म यो पाखण्डी दुईजिब्रे प्रवृत्तिबाट मुक्त हुँदैन तबसम्म देश बन्दै बन्दैन । एमसीसी जुन ढंगले गिजोलिँदैछ त्यसको परिणाम गम्भीर हुनसक्छ ! अति भए खति हुन्छ है !'
प्रधानमन्त्री शेरबहादुर देउवा र माओवादी केन्द्रका अध्यक्ष प्रचण्डले हस्ताक्षर गरी एमसीसीका सम्बन्धमा संयुक्त रूपमा अमेरिकालाई पठाएको पत्र आइतबार बाहिरिएको थियो । उक्त पत्र सार्वजनिक भएपछि एमसीसीका सम्बन्धमा प्रचण्डले दाेहाेराे भूमिका खेलेकाे भन्दै पार्टीभित्रैबाट पनि आलाेचना भइरहेकाे छ ।
भित्रभित्र राष्ट्रघात बाहिरबाहिर राष्ट्रवाद! माछा देखे भित्र हात,सर्प देखे बाहिर हात ! भित्र खाओवाद बाहिर माओवाद! नेपाली राजनीति जबसम्म यो पाखण्डी दुइजिभ्रे प्रवृत्तिबाट मुक्त हुॅदैन तबसम्म देश बन्दैबन्दैन।MCCजुन ढंगले गिजोलिदैछ त्यसको परिणाम गम्भीर हुनसक्छ! अति भए खति हुन्छ है!
— Baburam Bhattarai (@brb1954) February 6, 2022
एक्ट प्रो नेपालमा प्रकाशित सामग्रीबारे कुनै गुनासो, सूचना तथा सुझाव भए हामीलाई info.actpronepal@gmail.com मा पठाउनु होला। फेसबुक र ट्वीटरमार्फत पनि हामीसँग जोडिन सकिनेछ । हाम्रो *युटुब च्यानल पनि हेर्नु होला।
