काठमाडौं । फरवार्ड माइक्रोफाइनान्स लघुवित्त वित्तीय संस्थाको खुद नाफा दोब्बरले वृद्धि भएको छ ।
लघुवित्तले सोमबार सार्वजनिक गरेको चालु आवको दोस्रो त्रैमासिक वित्तीय विवरण अनुसार ४५ करोड ८० लाख ९५ हजार रुपैयाँ खुद नाफा कमाएको छ ।
यो अघिल्लो आवको सोही अवधिको तुलानामा १०३.५८ प्रतिशत बढी हो । गत वर्षको दोस्रो त्रैमाससम्म लघुवित्तले २२ करोड ५० लाख १५ हजार रुपैयाँ खुद नाफा कमाएको थियो ।
खुद ब्याज आम्दानी र संचालन मुनाफामा उल्लेख्य वृद्धि हुँदा खुद नाफामा पनि ठूलो बढोत्तरी आएको हो । समीक्षा अवधिमा लघुवित्तले ७ अर्ब ३३ करोड निक्षेप संकलन र १० अर्ब ३८ करोड सापटी लिइ कुल १९ अर्ब ६२ करोड कर्जा प्रवाह गरेको छ । हाल ६२ करोड ५५ लाख चुक्ता पूँजी रहेको लघुवित्तको जगेडा कोषमा १ अर्ब करोड ७१ रुपैयाँ संचित रहेको छ।
समीक्षा अवधिमा लघुवित्तको प्रतिसेयर आम्दानी १४६.४७ रुपैयाँ छ । लघुवित्तको खराब कर्जा ३.७२ प्रतिशतबाट घटेर २.११ प्रतिशतमा झरेको छ । प्रतिसेयर नेटवर्थ ३७४.८२ रुपैयाँ र मूल्य आम्दानी अनुपात १४.९२ रुपैयाँ छ ।
एक्ट प्रो नेपालमा प्रकाशित सामग्रीबारे कुनै गुनासो, सूचना तथा सुझाव भए हामीलाई info.actpronepal@gmail.com मा पठाउनु होला। फेसबुक र ट्वीटरमार्फत पनि हामीसँग जोडिन सकिनेछ । हाम्रो *युटुब च्यानल पनि हेर्नु होला।
