काठमाडौं । राजस्व ठगीको आरोप लागेका बाराका उमाशंकर रायभर रिहा भएका छन् । शुक्रबार न्यायाधीश विश्वम्भर श्रेष्ठ र सपना प्रधान मल्लको इजलासले उनलाई २५ हजार धरौटीमा रिहा गर्न आदेश दिएको थियो ।
उच्च अदालतका प्रवक्ता नगेन्द्र केशरी पोखरेलका अनुसार शुक्रबार प्रक्रिया पूरा हुन नसकेपछि उनी आइतबार उक्त धरौटी बुझाएर छुटेका हुन् ।
राजश्व अनुसन्धान विभागले मिश्रसहित १७ जनालाई विभिन्न कम्पनीहरुबाट एक अर्ब ४ करोड राजस्व ठगी गरेको भन्दै उच्च अदालत पाटनमा मुद्दा दायर गरेको थियो ।
सर्लाहीका सरोजकुमार मिश्रले उमाशंकरको नागरिकता र ल्यापचे दुरुपयोग गरी काठमाडौंमा ब्लुक्रस ट्रेडर्स र जेएन सप्लायर्स नामको कम्पनी खोलेका थिए । सोही कम्पनीले २८ करोड राजश्व ठगेपछि उक्त भार उमाशंकरको टाउकोमा परेको थियो ।
अनुसन्धानका क्रममा विभागको निशानाान उमाशंकर परे । सोही मुद्दामा सर्वोच्चले मिश्रले नै उमाशंकरको नाममा संस्था खोलेर दुरुपयोग गर्दै राजश्व चुहावट गरेको आदेशमा स्पष्ट उल्लेख गरेको थियो ।
एक्ट प्रो नेपालमा प्रकाशित सामग्रीबारे कुनै गुनासो, सूचना तथा सुझाव भए हामीलाई info.actpronepal@gmail.com मा पठाउनु होला। फेसबुक र ट्वीटरमार्फत पनि हामीसँग जोडिन सकिनेछ । हाम्रो *युटुब च्यानल पनि हेर्नु होला।
