नुवाकोट । भूमि आयोग नुवाकोटको अध्यक्षमा नेपाली कांग्रेसका नेताअर्जुन प्रसाद न्यौपाने नियुक्त भएका छन् ।
नेपाल सरकार मन्त्रिपरिषद् बैठकको निर्णयअनुसार न्यौपाने हिजोदेखि नै लागु हुनेगरी भूमि आयोग नुवाकोटको अध्यक्ष नियुक्त भएका हुन् ।
ककनि गाउँपालिकाका न्यौपाने नेपाली कांग्रेसका महासमिति सदस्य समेत हुन ।
मन्त्रिपरिषद्को निर्णयअनुसार भूमि व्यवस्था, सहकारी तथा गरिबी निवारण मन्त्रालयले शुक्रबारदेखि लागू हुनेगरी नुवाकोटसहित २८ जिल्लामा भूमि आयोगको जिल्ला समितिका अध्यक्षहरूलाई नियुक्ति पत्र दिएको बताइएको छ ।
यसअघि नेकपा एमाले नेतृत्वको सरकारले गठन गरेको भूमि सम्बन्धी समस्या समाधान आयोग गठनमा राजिनीति भएको भन्दै देउवा सरकारले एकसाथ देशभरका समितिहरू विघटन गरेको थियो । एमालेकै शैली पछ्याउदै देउवा सरकारले पनि आस्थाको आधारमा अध्यक्षहरू नियुक्त गरेको हो ।
एक्ट प्रो नेपालमा प्रकाशित सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला। फेसबुक र ट्वीटरमार्फत पनि हामीसँग जोडिन सकिनेछ । हाम्रो *युटुब च्यानल पनि हेर्नु होला।
