काठमाडौं । सिके राउत नेतृत्वको जनमत पार्टीले आजदेखि पूर्वपश्चिम राजमार्ग अनिश्चितकाल बन्दको घोषणा गरेका छन् ।
उनको पार्टीले एक विज्ञप्ति निकाल्दै किसानका माग सम्बोधन नहुँदासम्मका लागि पूर्वपश्चिम राजमार्ग बन्द गर्ने घोषणा गरिएको हो ।
पार्टीका अध्यक्ष सिके राउतले बुधबार राति विज्ञप्ति जारी गरेर राजमार्ग बन्द गर्नुका साथै संघीय मन्त्रीलाई मधेश प्रवेशमा निषेध गरेका छन् ।
किसानहरुका माग पूरा नगरेको भन्दै उनले आन्दोलनका कार्यक्रमहरु सार्वजनिक गरेका छन् । मन्त्रीस्तरीय/उच्चस्तरीय वार्ता समिति समेत गठन नगरेको र किसान आन्दोलनको ज्ञापनपत्र लिन समेत प्रधानमन्त्री तथा मन्त्रीपरिषद्को कार्यालयले अस्वीकार गरेर अहंकार प्रदर्शन गरेको विज्ञप्तिमा उल्लेख गरिएको छ ।
यस्तै आन्दोलनकारी किसानमाथि प्रहरीले बल प्रयोग गरेको, दर्जनों राउन्ड अश्रुग्यास चलाएको, आन्दोलनकारीहरूको अंगभंग हुने गरी कुटपिट गरेको, किसानहरूमाथि ज्यादती गरेको तथा झुठा मुद्दा लगाएको पनि उनको आरोप छ ।
एक्ट प्रो नेपालमा प्रकाशित सामग्रीबारे कुनै गुनासो, सूचना तथा सुझाव भए हामीलाई info.actpronepal@gmail.com मा पठाउनु होला। फेसबुक र ट्वीटरमार्फत पनि हामीसँग जोडिन सकिनेछ । हाम्रो *युटुब च्यानल पनि हेर्नु होला।
