काठमाडौं । प्रधानमन्त्री एवं नेपाली कांग्रेसका सभापति शेरबहादुर देउवा नेपाली कांग्रेसको १४औं महाधिवेशनस्थल भृकुटीमण्डपमा छन् ।
उनी आज बिहानैदेखि भृकुटीमण्डपमा महाधिवेशन प्रतिनिधिहरूसँग अन्तरक्रिया र परामर्शमा गर्नमा व्यस्त छन् ।
कांग्रेसको सभापतिमा उम्मेदवारी दिएका देउवाले भृकुटीमण्डपमा जम्मा भएका महाधिवेशन प्रतिनिधिहरू एवं कांग्रेसका नेता तथा कार्यकर्ताहरूसँग अन्तरक्रिया गरी आफूलाई मत पनि मागे ।
त्यसपछि उनले महाधिवेशन प्रतिनिधिहरूसँग काठमाडौंको बसाइँका बारेमा सोधपुछ गरे । खाना र बस्नका लागि कुनै समस्या परेको छ कि भनेर उनले भृकुटीमण्डपमा रहेका प्रतिनिधिहरूसँग सोधे ।
उनले काठमाडौंमा चिसो बढेकाले स्वास्थ्यको ख्याल गर्न र कोरोना भाइरसको सम्भावित संक्रमणाबाट बच्नका लागि आवश्यक सतर्कता अपनाउन पनि सुझाव दिए ।
उनले आज बिहानको खाना पनि भृकुटीमण्डमा महाधिवेशन प्रतिनिधिहरूसँगै लाइनमा बसेर लिए । उनले थाेरै भात, दाल, आलु मिसाएर बनाइएकाे तरकारी खाए ।
एक्ट प्रो नेपालमा प्रकाशित सामग्रीबारे कुनै गुनासो, सूचना तथा सुझाव भए हामीलाई info.actpronepal@gmail.com मा पठाउनु होला। फेसबुक र ट्वीटरमार्फत पनि हामीसँग जोडिन सकिनेछ । हाम्रो *युटुब च्यानल पनि हेर्नु होला।
