काठमाडौं । नेपाल राष्ट्र बैंकले घ वर्गका वित्तीय संस्थाहरुको एकीकृत निर्देशन परिमार्जन गरेको छ । बैंकले लघुवित्त संस्थाहरुका लागि जारी गरिएको एकिकृत निर्देशन २०७७ मा संशोधन गर्दै नयाँ व्यवस्थाहरु थप गरेको हो ।
नयाँ निर्देशिका अनुसार लघुवित्तहरुले आर्थिक वर्ष २०७८/७९ मा र सो पछिको वित्तीय विवरणहरु नेपाल वित्तीय प्रतिवेदनमान (एनएफआरएस) अनुसार तयार गर्नु पर्ने छ ।
त्यस्तै, संशोधन गरिएको नयाँ व्यवस्थामा आम्दानीको विवरणमा लेखाङकन भएको आयलाई वितरण गर्दा वितरण हुने रकमको २० प्रतिशत रकम रिजर्भमा जम्मा गरि बाँकी ८० प्रतिशत मात्र वितरण गर्न पाउनेछन् ।
साथै, लघुवित्तहरुले आफ्नो कारोबारसँग सम्बन्धीत जोखिमलाई ६ वटा शिर्षकमा वर्गिकरण गर्नु पर्ने व्यवस्था गरिएको छ । जसमा कर्जा जोखिम, सञ्चालन जोखिम, तरलता जोखिम, बजार जोखिम, ब्याजदर जोखिम र अन्य जोखिम गरि वर्गिाकरण गर्नु पर्ने राष्ट्र बैंकले जारी गरेको निर्देशिकामा उल्लेख छ ।
हेर्नुहोस्, पूर्णपाठ
एक्ट प्रो नेपालमा प्रकाशित सामग्रीबारे कुनै गुनासो, सूचना तथा सुझाव भए हामीलाई info.actpronepal@gmail.com मा पठाउनु होला। फेसबुक र ट्वीटरमार्फत पनि हामीसँग जोडिन सकिनेछ । हाम्रो *युटुब च्यानल पनि हेर्नु होला।
