काठमाडौं । सहिद स्मारक ‘ए’ डिभिजन लिगअन्तर्गत पहिलो र दोस्रो चरणका सबै खेल दशरथ रंगशालामा हुने भएका छन् ।
अखिल नेपाल फुटबल संघ (एन्फा)ले खेल मैदानलाई परिवर्तन गरेर सुरुवाती दुई चरणका सबै खेल दशरथ रंगशालामा राखेको हो । यसअघि दशरथ रंगशाला र सातदोबाटोस्थित एन्फा कम्प्लेक्समा खेल हुने बताइएको थियो ।
मंसिर ३ गतेबाट सुरु हुने लिगको उद्घाटन खेलमा फ्रेन्ड्स क्लब र सातदोबाटो युथ क्लबबीच प्रतिस्पर्धा हुनेछ । उद्घाटनको दिनमा एक खेल भए पनि त्यसपछि पहिलो चरणमा दिनको दुई खेल रहेका छन् ।
दोस्रो चरणमा पनि मंसिर १२ गतेबाहेक अरू दिन दिनको दुई खेल हुनेछन् । पहिलो खेल १ बजे तथा दोस्रो खेल साढे ४ बजेबाट हुनेछन् ।
यो पटक लिगको विजेताले ७५ लाख रुपैयाँ पाउनेछ भने दोस्रो हुनेले ५० लाख रुपैयाँ हात पार्नेछ ।
एक्ट प्रो नेपालमा प्रकाशित सामग्रीबारे कुनै गुनासो, सूचना तथा सुझाव भए हामीलाई info.actpronepal@gmail.com मा पठाउनु होला। फेसबुक र ट्वीटरमार्फत पनि हामीसँग जोडिन सकिनेछ । हाम्रो *युटुब च्यानल पनि हेर्नु होला।
