काठमाडौं । नोबेल शान्ति पुरस्कार विजेता मलाला युशुफजाइले विवाह गरेकी छन् ।
मलालाले असर मलिकसँग इस्लामिक परम्पराअनुसार बेलायतको बर्मिङ्घममा विवाह गरेको जानकारी सामाजिक सञ्जालमार्फत दिएकी छन् । उनले आफ्नो विवाहलाई जीवनको एक मूल्यवान दिन बताएकी छन् ।
उनले मलिकसँग भावी जीवनको सहयात्री हुन पाउँदा उत्साहित रहेको पनि बताएकी छन् ।
पाकिस्तानकी महिलाअधिकारकर्मी मलालालाई बालिका शिक्षाको पक्षमा वकलात गरेको भन्दै तालिबानले आक्रमण गरेको थियो । त्यसपछि उनी उपचारका लागि बर्मिङ्घ गएकी थिइन् । बर्मिङ्घलाई उनले आफ्नो दोस्रो घर बताउने गरेकी छन् । मलाला क्रिकेटकी ठूली प्रशंसक हुन् । उनका पति असर मलिककाे पनि क्रिकेटसँग गहिरो नाता छ ।उनी पाकिस्तान क्रिकेट बोर्डको नेशनल हाई परफमेन्स सेन्टरका जनरल म्यानेजर हुन् ।
केही समयअघि एक अन्तर्वार्तामा मलालाले आफूलाई मानिसहरूले विवाह किन गर्छन् भन्ने कुरा अहिले पनि थाहा नभएको बताएकी थिइन् । उनको यो अभिव्यक्तिको सामाजिक सञ्जालमा आलोचना भएको थियो । मलालामाथि तालिबानले ९ अक्टुबर २०१२ मा हमला गरेको थियो । त्यतिबेला उनको उमेर १५ वर्षको थियो र उनी बालिका शिक्षाका लागि आवाज उठाउने गरेकी थिइन् । यसबाट क्रुद्ध बनेका तालिबान लडाकुले उनको स्कल बसमा आक्रमण गरी गोली चलाएको थियो । टाउकाेमा गोली लागेर मलाला र उनकी एक साथी घाइते भएकी थिइन् ।
Today marks a precious day in my life.
— Malala (@Malala) November 9, 2021
Asser and I tied the knot to be partners for life. We celebrated a small nikkah ceremony at home in Birmingham with our families. Please send us your prayers. We are excited to walk together for the journey ahead.
?: @malinfezehai pic.twitter.com/SNRgm3ufWP
एक्ट प्रो नेपालमा प्रकाशित सामग्रीबारे कुनै गुनासो, सूचना तथा सुझाव भए हामीलाई info.actpronepal@gmail.com मा पठाउनु होला। फेसबुक र ट्वीटरमार्फत पनि हामीसँग जोडिन सकिनेछ । हाम्रो *युटुब च्यानल पनि हेर्नु होला।
