काठमाडौं । नेपाल राष्ट्र बैंकले एक भुक्तानी सेवा प्रदायक कम्पनीको अनुमतिपत्र खारेज गरेको छ । बैंकको भुक्तानी प्रणाली विभागले मङ्गलबार एक सूचना जारी गर्दै जीएमई–पे प्राइभेट लिमिटेडको अनुमतिपत्र खारेज गरेको हो ।
‘यस बैंकबाट २०७७ कोे असोज २२ गते जिएमई–पे प्राइभेट लिमिटेड, लैनचौर काठमाडौँलाई भुक्तानी सेवा प्रदायकको कार्य गर्न अनुमतिपत्र प्रदान गरिएकामा भुक्तानी तथा फर्छ्यौट विनियमावली २०७७ को विनिमय ३५ को उपविनिमय १ को (क)को व्यवस्थाबमोजिम उक्त अनुमतिपत्र खारेज गरिएको हो,’ बैंकद्वारा जारी सूचनामा भनिएको छ ।
राष्ट्र बैैंकका अनुसार सो वालेटले भुक्तानी तथा फर्छ्यौट विनियमावलीको व्यवस्था पालना नगरेकाले अनुमति खारेज गरिएको हो ।
भुक्तानी तथा फर्छ्यौट विनियमावली अनुसार भुक्तानी सेवा प्रदायक कम्पनीको अनुमति लिएको मितिले ६ महिनाभित्र सेवा सञ्चालन गर्नुपर्ने व्यवस्था भए पनि जीएइमईले १ वर्षसम्म सेवा सञ्चालमा ल्याउन नसकेपछि राष्ट्र बैंकले अनुमतिपत्र खारेज गरेको हो । 
एक्ट प्रो नेपालमा प्रकाशित सामग्रीबारे कुनै गुनासो, सूचना तथा सुझाव भए हामीलाई info.actpronepal@gmail.com मा पठाउनु होला। फेसबुक र ट्वीटरमार्फत पनि हामीसँग जोडिन सकिनेछ । हाम्रो *युटुब च्यानल पनि हेर्नु होला।
