जुम्ला । लगातारको वर्षाले तातोपानी गाउँपालिका-४, हाँकुमा अवस्थित नेत्रज्योती माध्यमिक विद्यालय बगरमा परिणत भएको छ । विद्यालयका केही भवन बगाएर लगेको छ भने बन्दै गरेका भवन भत्काएको छ । वर्षाका कारण विद्यालय बगर बनेपछि पठनपाठन प्रभावित भएको विद्यालयका प्रधानाध्यापक जज्वल्याराज न्यौपानेले बताए । अविरल वर्षासँगै आएको बाढीले पूर्ण रूपमा क्षति पुगेको छ ।
‘लगातारको वर्षाले बिद्यालयको पश्चिमतिरको भवनमा स्टोर गरी राखिएका डेस्क, फर्निचर, भवन निमार्णका लागी ल्याएका औजार, जस्तापाता, राष्टीय झण्डा राख्ने मञ्च, घेरबार र शौचालय गरी करिब एक करोड ६६ लाख ३५ हजार बराबरको क्षति भएको अनुमान गरिएको छ’, प्रधानाध्यापक न्यौपानेले भने ।
नमुना विद्यालयको रूपमा रहेको नेत्रज्योती मावि हाँकुमा कक्षा १ देखि कक्षा १२ सम्म अध्यापन हुदै आएको छ । ६५५ जना विद्यार्थी अध्ययनत रहेका प्रधानाध्यापक न्यौपानेले बताए । उनले विद्यालयको पुनर्निर्माणका लागि सरोकारवालासँग आग्रह गरेका छन् ।
एक्ट प्रो नेपालमा प्रकाशित सामग्रीबारे कुनै गुनासो, सूचना तथा सुझाव भए हामीलाई info.actpronepal@gmail.com मा पठाउनु होला। फेसबुक र ट्वीटरमार्फत पनि हामीसँग जोडिन सकिनेछ । हाम्रो *युटुब च्यानल पनि हेर्नु होला।
