काठमाडौँ । रामानन्द सागरले बनाएको चर्चित पौराणिक धारावाहिक रामायणमा रावणको भूमिका निभाएका अभिनेता अरविन्द त्रिवेदीको निधन भएको छ ।
अभिनेता त्रिवेदीको ८३ बर्षको उमेरमा निधन भएको भारतीय मिडियाहरुले उल्लेख गरेका छन् । लामो समयदेखि अस्वस्थ रहेका त्रिदेवीको गएराती निधन भएको हो ।
भारतको मध्यप्रदेशका त्रिवेदीले रंगमंचबाट आफ्नो क्यारियर शरुवात गरेका थिए । उनी गुजराती फिल्मका चर्चित चेहेरा बनेका थिए । उनले हिन्दि र गुजराती गरि ३०० भन्दा बढी फिल्ममा काम गरेका छन् ।
उनले केन्द्रीय फिल्म प्रमाणन बोर्डको अध्यक्षको रुपमा पनि काम गरेका थिए । त्रिवेदी राजनीतिक रुपमा पनि सक्रिय रहेका थिए । उनी भारतीय जनता पार्टीबाट १९९१ देखि १९९६ सम्म सांसद समेत रहेका थिए ।
एक्ट प्रो नेपालमा प्रकाशित सामग्रीबारे कुनै गुनासो, सूचना तथा सुझाव भए हामीलाई info.actpronepal@gmail.com मा पठाउनु होला। फेसबुक र ट्वीटरमार्फत पनि हामीसँग जोडिन सकिनेछ । हाम्रो *युटुब च्यानल पनि हेर्नु होला।
