काठमाडौं । एभरेष्ट प्रिमियर लिग (ईपीएल) क्रिकेट अन्तर्गत आज एक खेल हुँदैछ । आज हुने एउटा मात्रै खेलमा काठमाडौं किङ्ग्स इलेभेन र पोखरा राइनोज भिड्दैछन् ।
त्रिवि क्रिकेट मैदान कीर्तिपुरमा दिउँसो सवा १२ बजे खेल सुरु हुनेछ । सन्दीप लामिछानेको कप्तानीमा रहेको काठमाडौंले उद्घाटन खेलमा साविक विजेता ललितपुर प्याट्रीयट्सलाई हराएको थियो ।
विनोद भण्डारीको कप्तानीमा रहेको पोखराले पहिलो खेलमा भैरहवा ग्लाडीयटर्ससँग अंक बाँडेको थियो । पानी परेपछि पोखरा र भैरहवाबीचको यसअघिको खेल रद्द भएको थियो ।
त्यस्तै हिजो पनि पानी परेका कारण काठमाडौं र विराटनगर वारियर्सबीचको खेल स्थगित भएको थियो । प्रतियोगितामा ६ सहरका फ्रेन्चाइज टिमले प्रतिस्पर्धा गरिरहेका छन् ।
प्रतियोगिताको विजेताले ५० लाख तथा उपविजेताले १५ लाख रुपैयाँ पाउने छन् ।
एक्ट प्रो नेपालमा प्रकाशित सामग्रीबारे कुनै गुनासो, सूचना तथा सुझाव भए हामीलाई info.actpronepal@gmail.com मा पठाउनु होला। फेसबुक र ट्वीटरमार्फत पनि हामीसँग जोडिन सकिनेछ । हाम्रो *युटुब च्यानल पनि हेर्नु होला।
