add

साफ च्याम्पियनसिपको लागि नेपाली फुटबल टोलीको घोषणा, को–को परे?






ActPro Nepal

|

११ असोज, २०७८

|
871

काठमाडौं ।  आगामी साफ च्याम्पियनसिपका लागि नेपाली राष्ट्रिय पुरुष फुटबल टोलीको घोषणा भएको छ । अखिल नेपाल फुटबल संघ (एन्फा)ले माल्दिभ्सको मालेमा हुने साफका लागि २३ सदस्यीय टोली घोषणा गरेको हो ।

मुख्य प्रशिक्षक अब्दुल्लाह अल्मुताइरीले डिफेन्डर राजन गुरुङ र गोलरक्षक विकेश कुथुलाई बाहिर राख्दै टोली घोषणा गरेका हुन् । राजनले भारतसँगको मैत्रीपूर्ण खेलमा राष्ट्रिय टोलीबाट डेब्यु गरेका थिए । विकेश भने नेपाली टोलीका नियमित सदस्य हुन् । प्रशिक्षक अब्दुल्लाहले दुवैलाई बाहिर राखेका छन् । 

साफअघि आज नेपालले ओमानसँग मैत्रीपूर्ण खेल खेल्दै छ । कतारको युनिभर्सिटी मैदानमा खेल स्थानीय समयअनुसार रातको ७ बजे हुनेछ । हाल फिफा वरीयतामा ओमान निकै नै बलियो स्थितिमा रहेको छ । ओमान पछिल्लो वरीयताअनुसार ७८ स्थानमा रहँदा नेपाल १६८ स्थानमा रहेको छ । 

साफको तयारीमा रहेको नेपाली टिम यतिबेला कतारमा रहेको छ । यसअघि नेपालले घरेलु मैदानमा भारतसँग दुई मैत्रीपूर्ण खेल खेलेको थियो । नेपाली टिम कतारबाट साफका लागि २७ सेप्टेम्बरमा माल्दिभ्स जानेछ । आगामी १ देखि १६ अक्टोबरसम्म मालेमा आयोजना हुने साफ च्याम्पियनसिपमा नेपालले आयोजक माल्दिभ्ससँग खेल्दै प्रतियोगिताको सुरुवात गर्नेछ।

नेपाल र माल्दिभ्सबीचको खेल १५ असोजमा हुनेछ । दोस्रो खेल १८ असोजमा श्रीलंकासँग खेल्नेछ । नेपालले तेस्रो खेल २४ असोजमा भारतसँग खेल्दा २७ असोजमा बंगलादेशसँग खेल्नेछ । तालिकाका शीर्ष दुई टोलीले ३० असोजमा उपाधिका लागि प्रतिस्पर्धा गर्नेछन् । यस पटक साफमा पाकिस्तान र भुटानको सहभागिता रहनेछैन  ।

नेपाली टिम :

गोलरक्षक : किरणकुमार लिम्बू, विशाल श्रेष्ठ, दीप कार्की

डिफेण्डर : दिनेश राजवंशी, अनन्त तामाङ, सुमन अर्याल, गौतम श्रेष्ठ, रोहित चन्द, पुजन उपरकोटी

मिडफिल्डर : तेज तामाङ, सन्तोष तामाङ, सुमन लामा, सुरज जिउ ठकुरी, आयुष घलान, कमल थापा, सुजल श्रेष्ठ, नितिन थापा, मनीष डाँगी, अन्जन बिष्ट, विशाल राई, सुनिल बल 

स्ट्राइकर : नवयुग श्रेष्ठ, आशिष लामा

तस्बिर सौजन्य : अखिल नेपाल फुटबल सङ्घ (एन्फा)


एक्ट प्रो नेपालमा प्रकाशित सामग्रीबारे कुनै गुनासो, सूचना तथा सुझाव भए हामीलाई info.actpronepal@gmail.com मा पठाउनु होला। फेसबुकट्वीटरमार्फत पनि हामीसँग जोडिन सकिनेछ । हाम्रो *युटुब च्यानल पनि हेर्नु होला।


test3 ads  below article3 ads below article

प्रतिक्रिया

थप केही समाचार

Top

COPYRIGHT ©actpronepal.com 2025. ALL RIGHTS RESERVED.