काठमाडौं । गायक वसन काफ्लेको शब्द र सम्वादमा रहेको ‘नो एमसिसी’ गीतको म्युजिक भिडियो सार्वजनिक गरिएको छ । आज एक कार्यक्रममा ‘नो एमसीसी’ गीतको म्युजिक भिडियो सार्वजनिक गरिएको हो ।
गायक काफ्ले, मौसम मधुर र रेवन भित्रिकोटीको स्वरमा रहेको गीतको भिडियोमा निर्देशन कमल राईले गरेका हुन् । जसमा छायांकन शिव ढकालको रहेको छ । भिडियोमा एमसीसी सम्झौता गर्न नहुने सन्देश दिइएको छ ।
म्युजिक भिडियोमा चर्चित नायक नवल खड्का, वसन काफ्ले, मौसम मधुर, रेवन भित्रिकोटी, पशुपति श्रेष्ठलगायतको शसक्त अभिनय रहेको छ । पत्रकार सम्मेलनमा बोल्दै गायक मौसम मधुरले एमसीसीको विरोध नगर्ने कलाकारहरूको अमेरिका जान इच्छा भएको हुनसक्ने आशंका समेत व्यक्त गरे ।
कार्यक्रममा गीतका गायक काफ्लेले पार्टीहरू भन्दा हामी नागरिक हौं भनेर एमसीसी हस्तक्षेपलाई सबै जनतासामु पुर्याउन कोशिश गरेको बताए । जनता र देशको हितमा सरकारले निर्णय गर्नुपर्ने उनको भनाइ थियो । उनले सम्पूर्ण जनताको भावना समेटिएको शब्द रचना गरेर गीत तयार भएको बताए ।
एक्ट प्रो नेपालमा प्रकाशित सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला। फेसबुक र ट्वीटरमार्फत पनि हामीसँग जोडिन सकिनेछ । हाम्रो *युटुब च्यानल पनि हेर्नु होला।
