काठमाडौं । देश तथा विदेशमा रहेका प्रतिभाहरुलाई मुखरित गर्ने उद्देश्यका साथ ‘सारेगमप लिटिल च्याम्प्स नेपाल’ रियालिटी शोको प्रथम संस्करण आयोजना हुने भएको छ ।
नेपालमै पहिलोपटक हुन गइरहेको नेपालकै सबैभन्दा ठूलो अन्तर्राष्ट्रिय गायन रियालिटी शो ‘सारेगमप लिटिल च्याम्प्स नेपाल’ अब छिट्टै ग्यालेक्सी फोके मा हेर्न पाइने छ ।
जसका लागि आईतबार मिडिया नेटवर्क प्रालि (ग्यालेक्सी फोके) र प्रायोजकहरुबीच प्रायोजनसम्बन्धी हस्ताक्षर समारोह सम्पन्न भएको छ ।
कार्यक्रमको मुख्य प्रायोजकका रुपमा रियल जुस रहेको छ । जसका कारण अब कार्यक्रमको नाम रियल सारेगमप लिटिल च्याम्प्स नेपाल रहनेछ ।
यस्तै सिद्धार्थ बैंक कार्यक्रमको सहप्रायोजकको रुपमा रहेको छ । त्यस्तै एसोसियट स्पोन्सरको रुपमा इको प्यानल नेपाल, एलआईसी नेपाल, जोय ब्युटिफुल बाइ नेचर, यति कार्पेट, महालक्ष्मी पेन्टस् र पर्ल राइस रहेका छन् ।
साथै कार्यक्रमको भोटिङ पार्टनरका रुपमा म्यूजिक नेपालको मोमो एप आबद्ध रहेको छ । बजार प्रवद्र्धनको जिम्मेवारी भने टेलिजेन्ज प्रालिले लिएको छ ।
नोबडी प्रोडक्सनले उत्पादन गर्ने ‘सारेगमप लिटिल च्याम्प्स नेपाल’ कार्यक्रममको निर्देशन एलिन श्रेष्ठले गर्नेछन् । कार्यक्रमको निर्णायक मण्डलमा न्हु बज्राचार्य, इन्दिरा जोशी तथा कालीप्रसाद बाँस्कोटा रहेका छन् भने रिमा विश्वकर्मा र यमन श्रेष्ठले कार्यक्रम सञ्चालन गर्नेछन् ।
यस्तै सोगमप लिटिल च्याम्प्स इण्डियाका उपविजेता प्रितम आचार्य र चौथो रनर अप आयुष केसी पनि कार्यक्रम अवधिभर रोलमोडलको भूमिकामा दर्शकलाई मनोरञ्जन दिनेछन् ।
यस अन्तर्राष्ट्रिय सांगीतिक रियालिटी शोको अर्को मुख्य आकर्षण १५ जना ग्राण्ड जुरी मेम्बरहरु हुन् । जसमा धर्मेद्र शेवान, विक्रम बराल, निशान भट्टराई, रवि ओड, सिडी विजय अधिकारी, प्राश्ना शाक्य, टीका प्रसाई, निशा देशार, किश्वर थापा, उदेश श्रेष्ठ, विषण योञ्जन, सरिता मिश्रा, मेनुका पौडेल, विश्व नेपाली र हर्क साउद रहेका छन् ।
कार्यक्रममा देश तथा विदेशबाट विभिन्न बाल प्रतियोगीले आफ्नो गायन प्रतिभा प्रस्तुत गर्नेछन् । विभिन्न चरण पार गरेपछि अन्त्यमा सम्पूर्ण प्रतिस्पर्धीमध्येबाट एकजना उपाधि विजेता घोषणा गरिनेछ ।
यो गायन रियालिटी शो साताको दुई दिन हरेक शुक्रबार र शनिबार बेलुका ९ बजे ग्यालेक्सी फोरके र डोको युट्युब च्यानलबाट प्रसारण हुनेछ ।
एक्ट प्रो नेपालमा प्रकाशित सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला। फेसबुक र ट्वीटरमार्फत पनि हामीसँग जोडिन सकिनेछ । हाम्रो *युटुब च्यानल पनि हेर्नु होला।
