काठमाडौं । कांग्रेसका वरिष्ठ नेता रामचन्द्र पौडेल पक्षका जिल्ला सभापतिहरुको भेला शुरु भएको छ ।
नेपाली कांग्रेसको १४ औं महाधिवेशनको टुंगो नलागिरहेका बेला आफ्नो रणनीति बनाउन पौडेल पक्षले बोलाएको जिल्ला सभापति भेलामा ७७ मध्ये ४७ जिल्लाका सभापति सहभागी भएका छन् ।
मंगलबारसम्म चल्ने भेलामा पार्टीको १४ औँ महाधिवेशन, पार्टीको भावी नीति, नेतृत्व चयन र कोभिड–१९ महामारी नियन्त्रण लगायत विषयमा छलफल गर्ने जनाइएको छ ।
पार्टीको विधान र संविधानको व्यवस्थाबमोजिम समेतको गरी साढे पाँच वर्षको अवधिमा समेत पार्टीको महाधिवेशन हुन नसक्ने अवस्था सिर्जना भएपछि जिल्ला सभापतिहरुले सामुहिक धारणा राख्न भेला भएका हुन् ।
एक्ट प्रो नेपालमा प्रकाशित सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला। फेसबुक र ट्वीटरमार्फत पनि हामीसँग जोडिन सकिनेछ । हाम्रो *युटुब च्यानल पनि हेर्नु होला।
