काठमाडौं । प्रमुख प्रतिपक्षी नेकपा एमाले स्थायी कमिटीको बैठक सम्पन्न भएको छ ।
बैठकमा राजनीतिक, सांगठानिक र विधान संशोधनसम्बन्धी प्रस्तावमाथि छलफल भएको छ । त्यसमा केही संशोधन गरी दिउँसो ३ बजे बस्ने केन्द्रीय कमिटी बैठकमा पेस गर्ने तयारी रहेको बैठकमा सहभागी एक नेताले बताए ।
एमालेको विधान महाधिवेशन २७ र २८ भदौमा तोकिएको छ । विधान महाधिवेशनमा प्रस्तुत गरिने विधान मस्यौदा प्रस्तावमाथि छलफल गर्न आज बैठक बोलाइएको हो । बैठकमा माधव पक्षको भने उपस्थिति थिएन।
केन्द्रीय कमिटीको प्रस्ताव २७ साउनभित्र सबै मातहत कमिटीहरूमा अध्ययन र सुझावका लागि पठाइनेछ ।
बैठक ललितपुर च्यासलस्थित तुल्सीलाल स्मृति प्रतिष्ठान भवनमा बसेको हो । केन्द्रीय कमिटी बैठक पनि सोही स्थलमा बस्ने छ ।
एक्ट प्रो नेपालमा प्रकाशित सामग्रीबारे कुनै गुनासो, सूचना तथा सुझाव भए हामीलाई info.actpronepal@gmail.com मा पठाउनु होला। फेसबुक र ट्वीटरमार्फत पनि हामीसँग जोडिन सकिनेछ । हाम्रो *युटुब च्यानल पनि हेर्नु होला।
