काठमाडौं । काठमाडौं महानगरपालिकामा साउन २२ गतेबाट पुनः भेरोसेल खोप लगाइने भएको छ ।
स्वास्थ्य कार्यालय काठमाडौंका प्रमुख बद्रीबहादुर खड्काकाअनुसार २२ साउनदेखि भेरोसेल खोपको पहिलो मात्रा लगाई २१ दिन पुरा भएका व्यक्तिहरुलाई दोस्रो मात्रा दिइने छ ।
उनले १ लाख ६५ हजार व्यक्तिलाई भेरोसेलको दोस्रो मात्रा खोप लगाउन बाँकी रहेको बताए । तर दोस्रो मात्रा खोप लगाउने व्यक्तिहरुले विद्युतीय दर्ता नम्बर र पहिलो डोज लगाएको खोप कार्ड अनिवार्य लिएर खोप केन्द्र जानु पर्नेछ ।
खोप केन्द्रलाई व्यवस्थित गर्न र खोप लगाएका व्यक्तिहरुको रेकर्ड राख्नका लागि विद्युतीय दर्ता नम्बर अनिवार्य गरिएको हो ।
एक्ट प्रो नेपालमा प्रकाशित सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला। फेसबुक र ट्वीटरमार्फत पनि हामीसँग जोडिन सकिनेछ । हाम्रो *युटुब च्यानल पनि हेर्नु होला।
