काठमाडौं। पोर्न भिडियो बनाएको विषयमा पक्राउ परेका बलिउड नायिका शिल्पा सेट्टीका पति राज कुन्द्रालाई हिरासतमा राख्न अदालतले अनुमति दिएको छ ।
जुलाई २३ सम्मका लागि उनलाई न्यायिक हिरासतमा राख्न अनुमति दिइएको हो ।
उनलाई सोमबार राति मुम्बई प्रहरीले पक्राउ गरी आज मंगलबार अदालतमा उपस्थित गराएको थियो । यो विषयमा मुम्बई प्रहरीले हालसम्म ११ जनालाई पक्राउ गरिसकेको छ ।
मुम्बई क्राइम ब्रान्चका अनुसार कुन्द्राले पोर्न उद्योगमा आठदेखि १० करोड भारतीय रुपैयाँ लगानी गरेका छन् । उनले भारतमा भिडियो खिचेर बेलायतमा पठाउने गरेको प्रहरीलाई उदृत गर्दै भारतीय सञ्चारमाध्यमले जनाएका छन् । भारतको साइबर कानुनबाट बच्न उनले कम्पनीसमेत बेलायतमा नै दर्ता गरेको पाइएको छ ।
यस विषयमा छानबिनका लागि प्रहरीले शिल्पालाई समेत पक्राउ गर्न सक्ने बताइएको छ । उनी पति कुन्द्राको प्रायः सबै व्यवसायमा साझेदार रहेकी छिन् ।
एक्ट प्रो नेपालमा प्रकाशित सामग्रीबारे कुनै गुनासो, सूचना तथा सुझाव भए हामीलाई info.actpronepal@gmail.com मा पठाउनु होला। फेसबुक र ट्वीटरमार्फत पनि हामीसँग जोडिन सकिनेछ । हाम्रो *युटुब च्यानल पनि हेर्नु होला।
