काठमाडौं । साताको चौथो कारोबार दिनपनि शेयर बजारको ओरोलो यात्रा कायम नै रह्यो ।
बुधबार नेप्से परिसूचक १६.९७ अंकले घटेर २८०१.१३ अंकमा झरेको छ । यो संख्या मंगलबारको तुलनामा ०.६० प्रतिशत कम हो ।
बुधबार राम्रा र बलिया कम्पनीहरुको मापक सेन्सेटिभ इन्डेक्स पनि घट्यो । आज इन्डेक्स १.५० अंकले घटेर ५२५.२४ अंकमा झर्यो ।
आज लघुवित्त र विकास बैंक बाहेक अन्य सबै समुहको सूचक घट्यो । बुधबार लघुवित्तको ०.३८ प्रतिशत र विकास बैंकको ०.२६ प्रतिशत बढ्यो ।
सबैभन्दा धेरै जलविद्युत समुहको घट्यो । यस समुहको सूचक २.१६ प्रतिशत घट्यो । त्यस्तै, उत्पादन तथा प्रशोधन समुहको २.१३ प्रतिशत घट्यो ।
कारोबार रकममा भने मंगलबारको तुलनामा बुधबार केही सुधार भएको छ । आज २२२ कम्पनीको १ करोड १६ लाख ६४ हजार २०७ कित्ता शेयर किनबेच हुँदा ४ अर्ब ५८ करोड ५८ लाख रुपैयाँको कारोबार भयो ।
बुधबार सबैभन्दा धेरै सिभिल लघुवित्त वित्तीय संस्थाका शेयरधनीले कमाए । कम्पनीको शेयर मूल्य ३.१६ प्रतिशत बढ्यो ।
सबैभन्दा धेरै गुमाउनेमा अपर तामाकोशीका शेयर धनी छन् । कम्पनीको शेयर मूल्य ५.४५ प्रतिशत घट्यो ।
बुधबार सबैभन्दा धेरै कारोबार छिमेक लघुवित्त विकास बैंकले गर्यो । विकास बैंकले ४३ करोड ५४ लाख रुपैयाँको कारोबार गर्यो । त्यस्तै, अपर तामाकोशीले २६ करोड १६ लाख रुपैयाँको कारोबार गर्यो ।
एक्ट प्रो नेपालमा प्रकाशित सामग्रीबारे कुनै गुनासो, सूचना तथा सुझाव भए हामीलाई info.actpronepal@gmail.com मा पठाउनु होला। फेसबुक र ट्वीटरमार्फत पनि हामीसँग जोडिन सकिनेछ । हाम्रो *युटुब च्यानल पनि हेर्नु होला।
