काठमाडौँ । साताको तेस्रो दिन आज शेयर बजार झिनो अंकले घटेको छ ।
नेपाल स्टक एक्सचेञ्ज लिमिटेडका अनुसार आज शेयर बजार ५.२४ अंकले घट्दा नेप्से परिसूचक २८१८.११ अंकमा पुगेको छ ।
आज २२० कम्पनीको ४ अर्ब २२ करोड ४० लाख १८ हजार २२५ रुपैयाँ बराबरको १ करोड १ लाख ३५ हजार २०९ कित्ता शेयर किनबेच भएका छन् ।
आज कारोबारमा आएका १३ समूहको परिसूचक मध्ये ५ वटामा बढेको छ भने अन्य ८ वटा राताम्मे भएका छन् ।
आज हाइड्रो इलेक्ट्रोसीटी इन्भेष्टमेन्ट एण्ड डेभलपमेन्ट कम्पनी र अप्पर तामाकोशीका लगानीकर्ताले सर्वाधिक गुमाएका छन् । यी कम्पनीको शेयरमूल्य करिब ६ प्रतिशतले घटेको छ ।
रिडी हाइड्रो ४.११, नेशनल हाइड्रो ३.९३, नेपाल इन्स्योरेन्स ३.५३, राधी विद्युत्, जोशी र विशाल बजार कम्पनीको शेयर मूल्य ३ प्रतिशतभन्दा धेरैले घटेको छ ।
निर्जीवन बीमा समूह सबैभन्दा धेरै १.२ प्रतिशतले बढेको छ । यस्तै, उत्पादनमूलक समूह पनि १ प्रतिशतले बढेको छ भने हाइड्रोपावर समूह सबैभन्दा धेरै १.७३ प्रतिशतभन्दा धेरैले घटेको छ ।
एक्ट प्रो नेपालमा प्रकाशित सामग्रीबारे कुनै गुनासो, सूचना तथा सुझाव भए हामीलाई info.actpronepal@gmail.com मा पठाउनु होला। फेसबुक र ट्वीटरमार्फत पनि हामीसँग जोडिन सकिनेछ । हाम्रो *युटुब च्यानल पनि हेर्नु होला।
