काठमाडौं । कोरोना भाइरस(कोभिड–१९) महामारीको जोखिमका कारण सन् २०२१ मा पर्यटक आवागमनमा गिरावट आएको छ ।
कोरोना भाइरस संक्रमणका कारण सरकारले विदेशी पर्यटक माथि प्रतिवन्ध लगाएसँगै नेपालमा विदेशी पर्यटक तथा नागरिकको आवागमन संख्या निरासाजनक देखिन्छ ।
नेपाल पर्यटन बोर्डको तथ्यांक अनुसार यस वर्षको जुन महिनामा जम्मा एक हजार १४३ पर्यटक हवाई मार्ग भएर नेपाल आएका छन् । सोही महिनामा अघिल्लो सन् २०१९ मा ४४ हजार ३६९ थियो । सन् २०२० को यही महिनामा १०२ जना मात्रै विदेशी नेपाल आएका थिए ।
त्यस्तै, यो वर्षको जनवरीमा आठ हजार ८७४, फेब्रुअरीमा नौ हजार १४६, मार्चमा १४ हजार ९७७ र अप्रिलमा सबैभन्दा बढी २२ हजार ४५० विदेशी पर्यटकले नेपाल भ्रमण गरेका छन् । यस्तै मेमा एक हजार ४६८ र जुनमा एक हजार १४३ पर्यटक नेपाल आएका छन् । जुनमा नेपालबाट तीन हजार ६०६ विदेशी बाहिरिएको नेपाल पर्यटन बोर्डले जनाएको छ ।
एक्ट प्रो नेपालमा प्रकाशित सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला। फेसबुक र ट्वीटरमार्फत पनि हामीसँग जोडिन सकिनेछ । हाम्रो *युटुब च्यानल पनि हेर्नु होला।
