काठमाडौं । शेयर बजार झिनो अंकले घटेको छ । सोमबार नेप्से ०.२१ अकले घटेर २९०६.७० विन्दुमा पुगेको हो ।
नेपाल स्टक एक्सचेन्जका अनुसार आज २२१ कम्पनीको १५ अर्ब ८१ करोड ८६ लाख ५९ हजार ६२ रुपैयाँ बराबरको ३ करोड ५४ लाख ७४ हजार ४१४ कित्ता शेयर किनबेच भएका छन् ।
सोमबार कारोबारमा आएका १३ समूह मध्ये ७ वटाको परिसूचकमा हरियाली छाएको छ । भने ६ वटाको परिसूचक घटेको छ । फाइनान्स समूहको परिसूचक सबैभन्दा धेरै ८.२७ प्रतिशतले बढेको छ भने व्यापार समूह २.२१ प्रतिशतले घटेको छ ।
आज १७ कम्पनीको शेयरमूल्यमा उच्च बृद्धि भएको छ । त्यस्तै, लक्ष्मी बैंक लिमिटेडका लगानीकर्ताले सर्वाधिक गुमाएका छन् । लक्ष्मी बैंकको शेयरमूल्य आज ३.५८ प्रतिशतले घटेको छ ।
आज नेपाल पुनर्बीमा कम्पनीको सर्वाधिक कारोबार भएको छ । यसको ६२ करोड रुपैयाँ बढीको कारोबार भएको छ । कारोबार रकमकै आधारमा नेपाल इन्फ्रास्ट्रक्चर बैंकको ४६ करोड र नेशनल हाइड्रो कम्पनीको ४३ करोडको कारोबार सहित शीर्ष तीन स्थानमा रहे ।
पोखरा, सेन्टर र आइसीएफसी फाइनान्सको शेयर मूल्य ठ्याक्कै १० प्रतिशत बढेको छ ।
यस्तै, कामना सेवा विकास बैंक, श्री इन्भेष्मेन्ट, गुडविल फाइनान्स, जानकी फाइनान्स, गुह्येश्वरी मर्चेन्ट, गोर्खा फाइनान्स, मञ्जुश्री फाइनान्स, रिडी हाइड्रोपावर, समृद्धि फाइनान्स, रिलायन्स फाइनान्स, नेशनल हाइड्रो, युनिभर्सल पावर र दिव्यश्वरी हाइड्रोपावरका शेयरधनीले करिब १० प्रतिशत कमाएका छन् ।
एक्ट प्रो नेपालमा प्रकाशित सामग्रीबारे कुनै गुनासो, सूचना तथा सुझाव भए हामीलाई info.actpronepal@gmail.com मा पठाउनु होला। फेसबुक र ट्वीटरमार्फत पनि हामीसँग जोडिन सकिनेछ । हाम्रो *युटुब च्यानल पनि हेर्नु होला।
