काठमाडौं । नेपाल स्टक एक्सचेञ्ज (नेप्से) सामान्य अंकले घटेको छ । साताको तेस्रोदिन नेप्से ६.४७ अकले घटेर २८१६.६० विन्दुमा पुगेको हो ।
नेपाल स्टक एक्सचेन्जका अनुसार मंगलबार २१९ कम्पनीको ११ अर्ब १३ करोड ३३ लाख ९८ हजार १०७ रुपैयाँ बराबरको २ करोड ३४ लाख ६५ हजार ६७५ कित्ता शेयर किनबेच भएका छन् ।
कारोबारमा आएका ६ समूहको परिसूचकमा हरियालीे छाएको छ । भने बाँकी ७ वटाको परिसूचक ओरोलो लागेको छ । जीवन बीमा समूहको परिसूचक सबैभन्दा धेरै ४३१.५९ अंकले बढेको छ भने विकास बैंक समूह ५३.४८ अंकले घटेको छ ।
आज कारोबारमा आएका २१९ कम्पनीमध्ये १०२ कम्पनीको शेयर मूल्य बढेको छ भने १०७ कम्पनीको मूल्यमा गिरावट आएको छ । १० कम्पनीको मूल्य स्थिर रहेको छ ।
आज अरुण काबेली पावरको सर्वाधिक कारोबार भएको छ । यसको ३३ करोड ५९ लाख रुपैयाँ बढीको कारोबार भएको छ ।
कारोबार रकमकै आधारमा एशियन लाइफ ३२ करोड र एचआइडीसीएल ३० करोडको कारोबार सहित शीर्ष तीन स्थानमा रहे ।
आज चार कम्पनीको शेयरमूल्यमा उच्च बृद्धि भएको छ । आज शेयरमूल्यमा उच्च बृद्धि हुने कम्पनीहरुमा माउण्टेन हाइड्रो नेपाल, घलेम्दी हाइड्रो, बरुण हाइड्रोपावर र युनिभर्सल पावर कम्पनी रहेका छन् ।
त्यस्तै, आज मल्टिपर्पोज फाइनान्स कम्पनीका लगानीकर्ताले सर्वाधिक गुमाएका छन् भने कारोबारको आधारमा आज सबैभन्दा बढी कारोबार अरुण काबेली पावर कम्पनीको भएको छ ।
एक्ट प्रो नेपालमा प्रकाशित सामग्रीबारे कुनै गुनासो, सूचना तथा सुझाव भए हामीलाई info.actpronepal@gmail.com मा पठाउनु होला। फेसबुक र ट्वीटरमार्फत पनि हामीसँग जोडिन सकिनेछ । हाम्रो *युटुब च्यानल पनि हेर्नु होला।
