काठमाडौं । कोभिड-१९ को दोस्रो लहरको प्रभाव बैंक तथा वित्तीय संस्थामा समेत परेको छ ।
पछिल्लो समय कर्जा लगानीमा आक्रामक देखिएका बाणिज्य बैंकहरु निषेधाज्ञासँगै सुस्ताएका छन् । नेपाल बैंकर्स संघले जारी गरेको बैशाख मसान्तसम्मको तथ्यांक अनुसार कर्जा र निक्षेप दुवै घट्न थालेको हो ।
निषेधाज्ञापछिको दुई सातामा वाणिज्य बैंकहरूले जम्मा १७ अर्ब मात्रै कर्जा लगानी गरेका छन् भने निक्षेप संकलन ३३ अर्ब भएको छ ।
निषेधाज्ञाको पहिलो सातामा बैकहरुले १० अर्ब निक्षेप संकलन गर्दा १६ अर्ब कर्जा लगानी गरेका छन् । निषेधाज्ञाको दोस्रो सातामा भने २३ अर्ब कर्जा निक्षेप संकलन गर्दा १ अर्ब कर्जा लगानी गरेका छन् ।
तथ्यांक अनुसार १७ बैशाखमा वाणिज्य बैंकहरूले ३५ खर्ब ९४ अर्ब रुपैयाँ कर्जा प्रवाह गरेका थिए । यस्तो कर्जा २४ बैशाखमा ३६ खर्ब नौ अर्ब छ भने ३१ वैशाखसम्म आइपुग्दा ३६ खर्ब ११ अर्ब रुपैयाँ पुगेको देखिन्छ ।
निषेधाज्ञाले व्यापार व्यवसाय ठप्प भएकोले पनि बैंकको निक्षेप र कर्जा दुबै घटेको देखिन्छ । १७ वैशाखमा ३९ खर्ब २३ अर्ब रहेको निक्षेप यही महिनाको मसान्तमा आइपुग्दा ३२ अर्बले बढेर ३९ अर्ब ५५ अर्ब रुपैयाँ पुगेको छ ।
वैशाख महिनाभरमा भने वाणिज्य बैंकहरूले जम्मा ११ अर्ब रुपैयाँ मात्रै निक्षेप बढाउन सकेका छन् । वैशाख महिनाको पहिलो सातामा १७ अर्ब रूपैयाँ र दोस्रो सातामा ५ अर्ब गरी दुई सातामा २२ अर्बले निक्षेप घटेको थियो ।
बैंकिङ प्रणालीमा तरलता कायमै रहेकाले बैंकहरुले निक्षेप संकलनमा भने खासैध्यान दिएका छैनन् । सरकारले १६ वैशाखदेखि काठमाडौं उपत्यकामा निषेधाज्ञा सुरु गरेको थियो भने अहिले देशैभर निषेधाज्ञा भइरहेको छ ।
एक्ट प्रो नेपालमा प्रकाशित सामग्रीबारे कुनै गुनासो, सूचना तथा सुझाव भए हामीलाई info.actpronepal@gmail.com मा पठाउनु होला। फेसबुक र ट्वीटरमार्फत पनि हामीसँग जोडिन सकिनेछ । हाम्रो *युटुब च्यानल पनि हेर्नु होला।
