काठमाडौं । सरकारले सातामा दुई फ्लाइटमार्फत् भारतबाट नेपाल आउने यात्रुलाई १० दिन अनिवार्य क्वारेन्टिन बस्न ८ वटा होटेल तोकेको छ ।
संस्कृति, पर्यटन तथा नागरिक उड्डयन मन्त्रालयले बुधबार क्वारेन्टिनका लागि ८ वटा होटलको नाम सार्वजनिक गरेको छ।
मन्त्रालयका अनुसार विमानस्थलबाट ओर्लिएपछि उनीहरूलाई सीधै होटेल क्वारेन्टिनमा लगिने छ।
ललितपुरको भ्यू भृकुटी, गुहेश्वरीको माधव होटेल, गौशालाको आमदब्लम,रिडर्स इन, आनन्द आश्रम, एयरपोर्ट होटेल, भक्तपुरको ए वान रिसोर्ट, फार्म हाउस रिसोर्टलाई तोकिएको छ।
क्वारेन्टिनमा बस्दा जम्मा तीन हजार रूपैयाँ खर्च हुने भएको छ। ती होटलले भ्याट र सेवा शुल्कसहित यात्रुबाट पिकअप/ ड्रप, ब्रेकफास्ट, लञ्च र डिनरका लागि दैनिक बढीमा तीन हजार मात्र लिन पाउनेछन्। यसभन्दा बढी लिएमा कारबाही गर्ने मन्त्रालयले जानकारी दिएको छ।
एक्ट प्रो नेपालमा प्रकाशित सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला। फेसबुक र ट्वीटरमार्फत पनि हामीसँग जोडिन सकिनेछ । हाम्रो *युटुब च्यानल पनि हेर्नु होला।