काठमाडौं । सिंगटी हाइड्रो इनर्जी लिमिटेडको आईपीओ बाँडफाँड शुक्रबार गरिने भएको छ ।
बिक्रि प्रबन्धक मेगा क्यापिटलले चैत्र २७ गते आइपीओ बाँडफाँड गर्ने तयारी गरेको हो । साँझ ५ बजे क्यापिटलकै कार्यालयमा शेयर बाँडफाँड हुने क्यापिटलले जनाएको छ ।
क्यापिटलले मेरोशेयरमा पटक पटक समस्या आएकोले आइपीओमा बाँडफाँडमा ढिलाई भएको जनाएको छ ।
कम्पनीले १०० रुपैयाँ अंकित दरका कुल २९ लाख कित्ता आईपीओ निष्कासन गरेको थियो । जसमा २ प्रतिशत अर्थात ५८ हजार कित्ता सेयर कर्मचारीका लागि, ५ प्रतिशत आर्थात १ लाख ४५ हजार कित्ता सामूहिक लगानी कोषहरु र बाँकी २६ लाख ९७ हजार कित्ता सर्वसाधारणलाई छुट्याएको छ ।
कम्पनीको आईपीओमा १६ लाख २४ हजार ४८३ जनाले आवेदन दिएका छन् । आवेदन दिएका आवेदकहरुले २ करोड ४५ लाख १६ हजार ६ सय कित्ता खरिदका कुल २ अर्ब ४५ करोड १६ लाख ६६ हजार रुपैयाँ संकलन भएको छ । यो माग गरेकोभन्दा ९।०९ गुणा बढी हो ।
कम्पनीको आईपीआमा मागभन्दा बढि आवेदन परेकाले गोलाप्रथा विधिद्वारा बाँडफाँड गरिने छ । गोलाप्रथाबाट बाँडफाँड गर्दा कम्पनीको आईपीओ २ लाख ६९ हजार ७ सय जनाले मात्रै पाउने छन् । भने १३ लाख ५० हजार भन्दा बढि लगानीकर्ताको हात खालि हुने छ ।
एक्ट प्रो नेपालमा प्रकाशित सामग्रीबारे कुनै गुनासो, सूचना तथा सुझाव भए हामीलाई info.actpronepal@gmail.com मा पठाउनु होला। फेसबुक र ट्वीटरमार्फत पनि हामीसँग जोडिन सकिनेछ । हाम्रो *युटुब च्यानल पनि हेर्नु होला।
