काठमाडौं । नयाँ रेकर्ड बनाउँदै गएको सेयर बजारले सोमबार फेरि नयाँ रेकर्ड बनाएको छ । इतिहासकै सर्वाधिक उच्च विन्दुमा पुगेको रेकर्ड तोड्दै मापक नेप्से परिसूचकले नयाँ रेकर्ड राखेको हो ।
आइतबार ३३.३३ अंकले घटेको सेयर बजार सोमबार कारोबार शुरु भएदेखि नै उछाल आएको थियो । नेपाल स्टक एक्सचेन्जका नेप्सेका अनुसार ९२.४२ अंकले नेप्से बढेर २५८६.१ विन्दुमा पुगेको छ ।
यो हालसम्मकै उच्च विन्दु हो । यसअघि २०७७ माघ २७ गते मंगलबार नेप्से ३७ अंकले बढेर २५८५.१५ विन्दुमा पुगेको थियो ।
सोमबार २०५ कम्पनीको १० अर्ब ३८ करोड ४१ लाख ९७ हजार ६६९ रुपैयाँ बरोबरको कारोबार भएको छ । २ करोड २४ हजार ४७ हजार १५७ कित्ता सेयर किनबेच भएका छन् ।
सोमबार कारोबारमा आएका १२ वटै समूहको परिसूचकमा हरियाली छाएको छ । जीवन बीमा समूहको परिसूचक सबैभन्दा धेरै ६७९.९१ अंकले बढेको छ । यस्तै, निर्जीवन बीमा समूह ४४७ र माइक्रोफाइनान्स ३७० अंकले बढेको छ ।
कारोबारमा आएका २०५ कम्पनीमध्ये १९० कम्पनीको सेयर मूल्य बढेको छ भने जम्मा ६ वटा कम्पनीको कम्पनीको मूल्यमा गिरावट आएको छ । ९ कम्पनीको मूल्य स्थिर रहेको छ ।
आज लगानीकर्ताको रोजाइमा निर्धन उत्थान लघुवित्त परेको छ । यसको सबैभन्दा धेरै ७० करोड ४८ लाख रुपैयाँ बढीको कारोबार भएको छ । कारोबार रकमकै आधारमा नबिल बैंक ६८ करोड र छिमेक लघुवित्त ४७ करोडको कारोबार सहित शीर्ष तीनमा रहे ।
बैंकिङ ५७, ब्यापार ७१, विकास बैंक ४९, होटल २४, जलविद्युत ६४, फाइनान्स ३४, निर्जीवन बीमा ४४७, उत्पादन १५९, अन्य ६२, माइक्रोफाइनान्स ३७० र जीवन बीमा समूह ६९७ अंकले बढेका छन्।
यस दिन धेरै कमाउनेमा लघुवित्त कम्पनीका लगानीकर्ता अगाडि रहे। यस दिन ११ कम्पनीको मूल्य ठीक १० प्रतिशतले बढेको छ।
उन्नति सहकार्य लघुवित्त, ग्रामीण विकास लघुवित्त, किसान लघुवित्त वित्तीय संस्था, स्वाभिमान लघुवित्त, आरएसडिसी लघुवित्त, एनएमबि माइक्रोफाइनान्स, छिमेक लघुवित्त, मिथिला, आशा, फरवार्ड, सामुदायिक लघुवित्त, डिप्रोक्स लघुवित्त, विजय लघुवित्तको मूल्य १० प्रतिशतले बढेको छ। ।
आइतबार मौद्रिक नीतिको अर्धवार्षिक समिक्षाले पूँजीबजारमा बाधा पर्ने कुनै विषय सम्बोधन नभएकाले लगानीकर्ताहरु उत्साहित भएर लगानी गरेको देखिन्छ ।
मौद्रिक नीतिको अर्धवार्षिक समिक्षाले लघुवित्त कम्पनीहरुलाई बजारमा लगानी गर्न रोक लगाउने व्यवस्था लागू गर्ने हल्ला हल्लामै सिमित भएकाले लगानीकर्ताहरु थप उत्साहित भएको जानकारहरु बताउँछन् ।
एक्ट प्रो नेपालमा प्रकाशित सामग्रीबारे कुनै गुनासो, सूचना तथा सुझाव भए हामीलाई info.actpronepal@gmail.com मा पठाउनु होला। फेसबुक र ट्वीटरमार्फत पनि हामीसँग जोडिन सकिनेछ । हाम्रो *युटुब च्यानल पनि हेर्नु होला।
