काठमाडौं । नयाँ रेकर्ड बनाउँदै गएको सेयर बजार सोमबार फेरि नयाँ रेकर्ड बनाएको छ ।
सेयर बजारमा आइतबार इतिहासकै सर्वाधिक उच्च विन्दुमा पुगेको त्यो रेकर्ड तोड्दै मापक नेप्से परिसूचक र सेयर कारोबार रकम दुबैले बजारमा नयाँ रेकर्ड राखेको हो ।
सोमबार नेप्से ३७.४८ ले बढेर २५६१.४७ विन्दु पार गर्दै इतिहासकै उच्च विन्दुमा पुगेको छ । आज कारोबार शुरु भएको केहिबेरमै नेप्से २५६३.३० विन्दुमा पुगेको थियो ।
यो विन्दु हालसम्मकै उच्च हो । यसअघि २०७७ माघ २५ गते आइतबार नेप्से २५२४ विन्दुमा पुगेर नयाँ रेकर्ड कायम गरेको थियो ।
नेप्सेमा १० अर्ब ६१ करोड ९१ लाख ६३ हजार ८ सय ६९ रुपैयाँ कारोबार भएको छ भने कारोबार भएका १२ समूह मध्ये ५ समूह घटेका छन् अन्य ७ समूह बढेका छन् ।
एकै दिनमा १० अर्ब ६१ करोड को रुपैयाँको कारोबार भई सेयर बजार इतिहासमै सर्वाधिक कारोबारको नयाँ रेकर्ड बनाएको छ । दिनभर २०६ कम्पनीका २ करोड ११ हजार ५ सय ५५ कित्ता सेयर किनबेच भएका छन् ।
सोमबार लगानीकर्ताहरु अब बैंकतिर आकर्षित भएका छन् । सबैभन्दा धेरै मूल्य बढ्नेमा बैंकिङ समूह पहिलो नम्बरमा देखिएको छ । यो समूह ३.६५ अंकले वृद्धि भएको छ । दोस्रो नम्बरमा विकास बैंक समूह देखिएको छ ।
विकास बैंक समूहको सबइन्डेक्स ३.४७ प्रतिशतले बढेको छ ।आइतबार निकै बढेको लघुवित्त समूहको सबइन्डेक्स सोमबार भने घटेको छ ।
कारोबार रकमका आधारमा यस दिन प्रभु बैंकको शीर्ष स्थानमा रहेको छ। सो बैंकको यस दिन ५७ करोड ६४ लाख ६९ हजार रुपैयाँ बराबरको सेयर खरिदबिक्री भएको छ। त्यसैगरी, नबिल बैंक, डिप्रोक्स लघुवित्त र नेपाल लाइफको ३० करोड रुपैयाँभन्दा बढीको सेयर खरिदबिक्री भएको छ।
एक्ट प्रो नेपालमा प्रकाशित सामग्रीबारे कुनै गुनासो, सूचना तथा सुझाव भए हामीलाई info.actpronepal@gmail.com मा पठाउनु होला। फेसबुक र ट्वीटरमार्फत पनि हामीसँग जोडिन सकिनेछ । हाम्रो *युटुब च्यानल पनि हेर्नु होला।
