काठमाडौं । धितोपत्र बजारमा यस साता ४१ अर्ब ६८ करोड रुपैयाँको कारोबार भएको छ ।
यो कारोवार रकम गत साताको तुलनामा ३ अर्बभन्दा कम हो । गत साता शेयर बजारमा ४४ अर्ब ४६ करोड रुपैयाँको कारोबार भएको थियो ।
साताभर नेप्से कारोबारमा उतारचढाप भएपनि यो साता नेप्से परिसूचक २४७५ बिन्दु पार गरेको छ । यो साता दुई सय १५ वटा कम्पनीहरु कारोबारमा आएका थिए ।
यो साता बढी रकम कारोवार गर्ने कम्पनीहरुको सुचीमा नेपाल पुनर्बीमा कम्पनी, ग्लोबल आइएमई बैंक, नेपाल लाईफ इन्स्योरेन्स कम्पनी, नेपाल दुरसञ्चार कम्पनी, शिखर इन्स्योरेन्स कम्पनी लगायतका कम्पनीहरु अगाडि परेका छन् ।
यो साता कारोबार भएको सुरु भएको पहिलो दिन नेप्से २३७०.५४ अंकमा पुग्दा सेन्सिटिभ भने ४३२.३३ अंकमा पुगेको थियो ।
दोस्रो दिन भने नेप्से ३७.६७ अंकले बढेर २४०८.२२ अंकमा चढ्दा सेन्सिटिभ भने ४.९५ अंकले बढेर ४३७.२८ अंकमा पुगेको थियो ।
तेस्रो दिन भने नेप्से ६५.४९ अंकले बढेर २४७३.७३ अंकमा पुग्यो । सेन्सिटिभ पनि १४.०९ अंकले बढेर ४५१.३८ अंकमा पुगेको थियो ।
चौथो दिन भने नेप्से ६.८१ अंकले घटेर २४६६.९२ अंकमा झर्दा सेन्सिटिभ ०.९६ अंकले बढेर ४५२.३४ अंकमा पुगेको थियो ।
अन्तिम कारोवार दिनमा नेप्से ८.३४ अंकले बढेर २४७५.२६ अंकमा पुग्दा सेन्सिटिभ पनि १.६७ अंकले बढेर ४५४.०२ अंकमा झरेको थियो ।
एक्ट प्रो नेपालमा प्रकाशित सामग्रीबारे कुनै गुनासो, सूचना तथा सुझाव भए हामीलाई info.actpronepal@gmail.com मा पठाउनु होला। फेसबुक र ट्वीटरमार्फत पनि हामीसँग जोडिन सकिनेछ । हाम्रो *युटुब च्यानल पनि हेर्नु होला।
